عسى مثواه للجنه

[ابن مسلم]

ايهاالاخوه الكرام

هذه الأبيات قلتها رثاء في وفاة أخي الملازم أول مهندس / فيصل بن عبدالمحسن بن مسلم الدلبحي اللذي إنتقل إلى جوار ربه هو وإبنتيه على اثر حادث مروري بتاريخ 22/7/1430 أسأل الله لهم الرحمه ولنا الصبر والسلوان

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إثنين وعشرين سبعه من ثلاثيني =سوء المقادير فوقي جالها حنه
جاني خبر والخبر اشين من الشيني = موثوق مافيه لايمكن ولاأظنه
قالوالي أخوك فيصل تو ذالحيني =صار إله حادث وجانا هالخبر عنه
فيصل قوام وتوفن معه بنتيني = بنات فيصل توفن هن وابوهنه
واللي بقى معه بالموتر مصابيني = ومالك ياكود الصبر والموت ذاسنه
لوجيت بخفي الحزن ماعاد يمديني = كلٍ يشوف الحزن والقلب له ونه
الدمع هو جابتي عند المعزيني= دايم عيوني على خدي يهلنه
تعال ياأحمد بواسيك وتواسيني = في موت أخونا عسى مثواه للجنه
عمره ثمان سنوات فوق عشريني= والطيب والنعم حازه مع صغر سنه
ياليتني مت قدامه ويبكيني= أوليت فيصل بقى لي حي لوإنه
إيديه متكسره وبدون رجليني= وأقوم في واجبه وارفاه وأحنه
يالله ياللي سجدنا لك مصليني = تجبر عزانا وتسكن فيصل الجنه [/poem]

وسلامتكم