ابحتزم

[سلطان بن محسن]

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابنت حبك ســـــكن فالقلب والقلـــــب ذاب = ماعاد يمدي على عذر الزمان المرير
أبحتزم أطـــــوي البيدا وأســـــــوق الركاب = إما لقيتك ضحى والا ضويتك عصيـــر
قلبي فتـح لك من الأشـــــواق باب الإيــــاب= وإجتاحه الشوق ماللشوق قبلك نـــذـير
فيــه إسكني لاتخافين العــــــتب والعقــاب= مــادام لك منزلن بين الحـــــنايا كبـــــير
ماكنت أحســبن قلـــــــبي للمــــــحبه كتاب= لين إلتقينا وزار الـــنور عين الظــــرير
من عقبها و أنتي الفــــرحه في عين العذاب= من لأجلها قامت اـلورده تزف العبــــير
حسنك عن أصناف جيلك غير والراس شاب= ياالله لاتحرم الظمـــيان قبل الــغديـــــــر
لك يلتفت كل ــــــنور وكل راعي جنـــــــاب= لنك كمــا نور بدرن فالسمــــاء مستــدير
كان الذهب مع فصول الوقت فاق النصاب= حبك مثل عملة اـلدولار ماله خشـــــير
ضويتي عــــيون ليلن ماتهــاب الســـراب= يومني أركض على قل البخت مستـــخير
قبل اعرفك كانت دروبي في عيني ضباب= واليآس حط الرحال بخاطــري له قـــرير
جيتي وجابك لي المــــولى نجاة وثــواب= رزقن من الله ولاظنيت رزقـــه حصـــــير
يابنت أنا غيــــر عن كل الملى والشباب= حطيت لي فوق نجم سهيل كرسي أمير
صحيح ماأملك مراتب مكرمين الحساب= ولاأملك من المال مثل الناس هذي كثير
لكني أملك خفوقن حي ينبض صـــــواب= لامن غدى الظلم يهزم كل راعي ضمير
صديقي الصبح لاغطى سماه الســــحاب= ورفيق ليلي فصيد الفكر ومــــر الاخــــير
يوم أتفـكر وأقــــول القــــلب يابنت ذاب= ماعاد يمدي على عــذر الزمان المــــرير
بيني وبينك بيدوم الوصل مابه ذهــــاب= قلبي وقلبك سوى نفس القــــدر والمصــير[/poem]