لونار الغـــلا

[؛؛ابو ريناد؛؛]

اتمنى أن تنال استحسان الجميع

ياصدر لونار الغـــلا تحرق الجوف = لاتشتكي فرقا الحبيب المزيف

الهم يسعى فالمعاليق ويطــوف = اثــر الهوى ملعون خيير وطيف

يشوفني ويصـــــد ماكنه يشوف = وشلون صار مع الفراق متكيف

بعــــده خناجر هم ورماح وسيوف= وطيفه بنوم اللي يحبه تضيـف

قلبي بحبه ياهل الحب مشغوف = سيد الحنان ابوالذراع السهيف

اقول وصفه غيــــر لاعدو اوصوف = الا الحـــلا والزين منه يتقيـــف

كنه ليا شفته عمل في معــروف = وشلون لاقبلت خـــــد الرهيــف

متى يحس بماتكبــــــدت ويروف = فيما مضالـي معـه وافـي وريـف

تعبت لكن التعب غير مخلــــــوف = وانهـــد حيدك يالطويل المنيف

اما يكسر حاجز الصمت والخوف = والا لكبــــــــدي لايسبب تليـف

وان رد للدمعه بتجريــــح وعزوف = ادري بانه في عذابي مكيــف

الدمع لعيـــــــون المحبين مالوف = اموت باللي فالمحبه عنيـــــف

فالصيف لكنه لبس بدلة الصوف = خلوه في صيفه بصوفه يصيف

والله ليعطي مع معاذيره حلــوف = وعلى شفا حفرة شقا ليتهيف

بكره يجي حاير وطاير وملهــوف = فكره مشتت غير جسمه نحيف



الشاعر /بشاربن مساعد