ان العيون اللي في اطرافهن حور.....

[البارع]

بسم الله الرحمن الرحيم,,,

قصيده من جديدي,,, رغم قلة تطرقي لهذا الغرض من الشعر..

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في ليلةٍ ظلمى ولا للقمر نور=والصمت خيم والمخاليق نيام
جلست وحداني من الضيق ياسرور=واسترجع الصدفه بعد طافها عام
من بعد صرت ال.. طبت السوق مجبور=بقضي لزومي بين غتره وهندام
والعود الازرق لابقى الحال ميسور=وان كان ماجبته فلاهوب بـــ إلزام
وساعة خلصت وتالي الوقت مهدور=من عرض ماناسب مقاسات واحجام
اخذت دربٍ طارف السوق مهجور=عن كثرت العالم وبعدن للازحام
وانافي دربي كاشحٍ عالي النور= شفت البدر كامل على وقت الاتمام
غرون مع امه يمشي ابجانب السور=ومن الحيا عيا عن المشي قدام
واللي لبس من ضافي اللبس مستور=وكتف العبي ماحطت اوحطت إلثام
ما كنه الا ظبين ابعالي القور=من بعد سارقني بنظره و سلهام
وكنه زرقني رمحن ابكف مقهور=والا مثل من صايبه هم واسقام
والا بعد ماصار صدام مغدور= وكلٍ عرف وشلون قالو بــــصدام
كملت وحسيت الفضا كنه يدور=ولاكنت اظن ان النظر يرمي اسهام
وقررت اعرض الحال لايات دكتور=واشرح له الحاصل بدقه و بلمام
كشف علي وقال ماجور ماجور=وهذا الهوى مستحكمن فيك بحكام
وقلت الدوا قال الدوا عدت امور=حاول على نسياه مع مر الايام
يمكن مع الايام ماهوب مذكور=اويحترق طيفه مثل حرق الافلام
وان كان عن نسياه مافيك مقدور=امدد حبال الوصل من شرع الاسلام
ثم قلت يادكتور مشكور للشور=وخلك من الجيزه وعود للاهرام
ان العيون الي في اطرافهن حور=قد اصدرن حكمن علينا بالاعدام[/poem]