اهداء الى قبيلة عتيبـــه

[شمري واحب عتيبه]

[frame="4 10"]هذه قصيده مهداه الى قبيلة عتيبه ((منقوله))
هذي القصيدة للشيخ / وبران بن عليق بن مشرف الشمري ** {القصيدة مهداه لقبيلة عتيبة}


1. يقول من يـعـبر بزينات الأمــثــال وزاهــي القـوافي جايـبينه جزيــــــــله
2. من جاش أديب ينظم الشـعر بالحال آخــذ جزيل القاف وارمـي هزيــــلـه
3. الفكر يحضر والحــــبر فوقهٍ ســال والقاف مـوزون على ما يبيـــــــــله
4. مثـــايل مــا والفوهـــــن الأنـــذال ولا نقلـــوهـا مدركين الفشيـــــــــله
5. شاقي لنظم الشعر ماضين الأفعـال يوم الزيـارة للديـــــــار الجميـــــــله
6. يوم الخميس اثنين وعشرين شوال جينا الرجــال اللـــي علومهم نبيـله
7. عتيــبه اللــي عريبين وثقــــال قبيــــــلة يـــــا حــي والله قبيـــــــله
8. ألد روق اللي لهم صيت وأفعــــال أهل السيـــوف المرهفات الصـقيله
9. أهل البيوت الراسية كنــها جبـال عز للرفيـق ومكـرمين نــــزيـــــــــله
10. ذبــاحت الحايل كريمين الأسبـال متوارثــــين الطيــــــب نــعم الـــقبيـــله
11. شرهاتهم ماهي على جمعت الـمال فوق الصــحون يقــلطون الجليـــله
12. كبار الصياني والسمن فوقها ســــال اللابه اللي يــذبحـون المـــحيـله
13. وبيوتهم للضيف مزبن ومــدهـــــــال وديارهم كــم واحد يلتجـــيـــله
14. لو ننشدالتاريـخ ونشوف وش قـــال يشهد لهم تاريخ نـجد وجيــــــــله
15. تاريخهم واضح على راس ماطـال تـــاريخهم بـــيَـن وكـل حكيـــــــــــله
16. يوم علا طلال مـــا يبـهج الحــــــــــال ثار الدخان من حر صلو الفتيــله
17. زادوا على الهقوات يـوم ادبر الفال يوم الحرايب والعـدو ترتكيـــــــــــله
18. ميزانهم يرجح على عايل عال وحريــبــهم يـــوم اللـقـا عزتيـله
19. قبيلة مــــا طــــاوعوا شــور عــذال قوم على الحراب تشــفي غـليــــــــلـه
20. رجــــالهم ينــــــطح ثلاثيـــن رجــال وخيالهم ينطح جــــموع وخيـــــــــــلـه
21. للـــــزين زيــنـيــن وللضــــــــد جهال عوق الخصيم ليا بدا مـــــــنه عيــــــلـه
22. قوم يعـــرفه عاقل الناس والضــال سقم الحـريب ومقحمين الدبيـــــــلـه
23. يشدون سيل يضرب الجال للجـال واللـي بوجه السيل لازم يشيــــــــــلـه
24. ودخيلهم يلقا المعزة مهـــــــوب ذال وعز الله انه داخـــل به دخيـــــــــله
25. وصديقهم لامن نشدته عن الحـال يقين مايــعتاض فــــيهم بـــــــــــديــلـــه
26. وصديقهم عـــنه المحامـيل تنشــال تنشال لو ان المحـــامــــــــــــل ثقيــــــله
27. وعدوهم يسقـــــــــونه مـــر وإذلال بـاليـل يـســـهر ما تــــــــــهنا بليــــــلــه
28. وعدوهم يـــذوق تسعيـن غربــال خــــلوا على كبده حـــــــــر ومليلــه
29. وعدوهم لوهو من الجــيش جمال بالمعـــــركة خلوه يـطـــــــرق شليـله
30. يردون حوض الموت جسرين الأقبال فرســــــان لا ركــبــــــوا الأصيــلـه
31. صولاتهم غـــدابها كـــــــم رجـــــال ويــــا ويــــــل رجال تعرض سبـيلـه
32. وكم من عقيد وسدو راسه الجـال وشــــــيوخ راحوا بالــمعارك قتيلــه
33. ولو ابـاعد افعولهم مـا لــــــــــها تـال يصعب علي اعدادها من حصيله
34. يستاهلون المدح عريبين الأنســــــال نسل الرجال اللـــــي علو بالطويلـــــه
35. شين لشوفه زاد مدحــي بالأقـــوال والـــقول عقب الـفـعـل أكبر دليـــلــه
36. وجعل الخيال اللي نشا فوقه أخيال والغيث يمطر من حقوق المخـيـــــله
37. على نــــفي مـــع الـــقراره الأجــــبال وتسيل كــــل اشــعـابها من مسيلــه
38. حيث انها دار البطولة والأبـــــطـال ديــار الكرم والـــطيب لــلـــي يجيلـه
39. دار لهم حامـــــينها مــاض الأجيـال من دونــها ترخـــص عمـــــار طويــله
40. يقولها الــلــــي ما تغـــــير و الآمـــــال قول الحقيــــقة والصراحــــــة يبيــــــلــه
41. وصلات ربي عد ما وادي ســـال وعـــدَ بــــراق بـــــرق فــي مخيــــــلـــه
42. على اللذي سن الفرايض والأعمال نــــبــيــنــا الــمخـــتار راع الفضيــلـــه


[/frame]