حالف ٍ بالله ما نسى حب ساره ... كود اهل شقراء يخلون الصلاتي

[صاحبة السموـو]

السلام عليكم ورحمة الله وبركاته


( حُب ســــــــــــارة )

قصيدة الشاعر : محمد بن فهّاد بن محمد القحطاني الملقب بـ ( ابن حصيص )







هيّض ابن حصيص في تالي نهـاره
ألف قاف ٍ في ضميـره مدلجاتـي

ياوجودي وجد مكسور الجبـاره
آخـذ ٍ تسعيـن ليلـه مايباتـي

أو وجود اللي خذا الحاكم دياره
خذ حلالـه والحريـم مسلّباتـي

عقب ماهو تاجر وراعي أمـاره
صار فـلاح ٍ وامـوره هيناتـي

أرتحل يا حمـود منبـوز الفقـاره
آركي وحبال كـوره كالفاتـي

آركي ومربّع ٍ عشـب القـراره
ما علاه الشد من عشر سنواتـي

ديرة ابن ( … ) ما فيها صقاره
كود شيبان ٍ وعجـز ٍ مدبحاتـي

من خشوم اكميت إلى حد الزباره
جعل تمحل والوشـوم مربعاتـي

صاحبي بالوقـف مدهالـه وداره
ما سكن في ثرمـداء والاّ مراتـي

ولعتني بالهـوى والحـب سآره
دلهتنـي عـن غناديـر البناتـي

يا حسايف بنت ابن ( … ) ساره
عند ابوها تـدّرج مثـل المهاتـي

ريق ساره مثل شكر ٍ في غضـاره
أو حليب ابكار عرب ٍ مسمناتـي

والنهيد زبيدي ٍ في دعب قـاره
في محير المـا القـراح مصلّعاتـي

والثنايـا قحويـان ٍ فـي زبـاره
زاهي ٍ نبته علـى كـل النباتـي

راس ساره ذيل شقراً وسط غاره
والجدايـل بالرشـوش مجدلاتـي

والمطوع لو يشوف خديد سـاره
طبّق المصحف وعجّل بالصلاتـي

ما ذكر جار ٍ ذبح بالحب جـاره
بالمبيسـم والثنايـا المرهفـاتـي

حالف ٍ بالله ما نسى حب سـاره
كود اهل شقراء يخلون الصلاتـي

لايمي يعطى حنيش ٍ فـي خبـاره
سمّها يشظى العظـام الصالباتـي


:37:
ان شالله تعجبكًـم ^^