اللي ذبحني دارها صوب لبنان () ماهو ب سمرا ً تعتزي بالقبيله

[احمد المطيري]

مصااااااااااافحه أولىىىىىىىىىى ياخوالي



[poet font="Simplified Arabic,4,sienna,normal,normal" bkcolor="burlywood" bkimage="" border="none,4,sienna" type=1 line=200% align=center use=ex length=0 char="" num="0,black" filter=""]

تركت دار الشام وأصبحت هيمان = وأشيل هم ٍ ليت ربي يزيله
قلبي على دار أريش العين ولهان = يطرب ليا شفت العيون الكحيله
شقرا ً شعرها مايل ٍ فوق الامتان = والعين عين الحر فوق البتيله
والخد براق الحيا جوف ربـّـان = والقد غصن البان وسط المسيله
يابونهود ٍ تودع القلب طربان = واليا تكلم صرت مجنون ليله
اليا لمحت الزين غنـّيت الالحان = والحال من فرقاه واعزتيـله
اللي ذبحني دارها صوب لبنان = ماهوب سمرا ً تعتزي بالقبيله
تقول بنت شيوخ خطلين الايمان = يروون حد المرهفات الصقيله
يردون للهيجا شغاميم شجعان = يقفون للفتنه بحيل ٍ وحيله
واقول وقت ٍ راح مانيب شفقان = على زمان ٍ راح وأ قــفى حصيله
الله يعز اللي لهم فالقسا شان = حكـّـام نجد اهل الفعول الجزيله
آل السعود مطو ّعة كل فسقان = منهم شيوخ القوم ترجع ذليله
حمـّاية المتلي على الخيل فرسان = يركون لاجات الحمول الثقيله
ملوكنا اللي من على ماض الازمان = مد ّاتهم ماهي علينا بخيله
مشوا بشرع الله على كل الاديان = صالو ومن فوق الخيول الاصيله
قالت سقيم العقل ماجبت برهان = والله لتـخبرك الليال الطويله
لكن لاتظلم جمال ٍ ليا بان = يكفي عن أهل الشام ناصع جديله
مانـي من اللي رخـّصوها بالاثمان = اللي ليا شافت غريب ٍ تجيله
إن كان همــّك ياولد ذيك الاوطان = ديارنا ماهي عليكم كفيله
قلت ابرك الحـزّات ماني بزعلان = اليا لـفى قلب الشقاوي خليله
دار زهاها الزين للناس مسكان = حلفت لــسكن فيه واترك بديله

[/poet]