آوفي معه مثل ضيف الله لجلالي

[عصام بن عباس المرشدي]

[poem=font="tahoma,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

رفيقي اللي عليه ضايق باله= تقول زعلان مدري انه يورالي
تمض السنه مايجيني رقم جواله= وانا ادري انه يعرف ارقام جوالي
مدري نسى وأنشغل مع كثرة اشغاله= والا اشترك مع هل البزنس والاعمالي
لكن دامه بخير وطيب حاله= مذكور بالخير لو ان الزمن طالي
أشتاق لمشاهده وانشد عن احواله= واوفي معه مثل ضيف الله لجلالي
رفقة وفاء من عريب طيب خاله= الا ومضرب مثل من بين الاجيالي
والرفقه اللي على العز وعلى الطاله= تبقى ولايعتريها ريب وجدالي
ميزانها راجح بالطيب مكياله= لومال صعب الزمن ماهوب ميالي
يقوله اللي كلام الزور ماقاله= حسب اجتهاده وعرفه صاغ الامثالي
الشعر غبة بحر نشرف على جاله= والموج عاتي ودون الدر الاهوالي
كم واحد جا يبيه ولاتهياله= عود بليا حصيل ومنخله خالي
مافيه عذروب مير الشعر يبراله= لو صار له ناس ودعايه وجهالي
واقول لو هو يجوز ويسكت اشواله= لكن اشوفه على عمياه لازالي
وقد قيل كل يموح الجم بحباله = ودلو قصر حبلها يضرب بها الجالي

[/poem]

وسلامتـــكم

المقصود بــ ضيف الله
الاستاذ . ضيف الله بن محمد بن مشرع المرشدي
والمقصود بـ جــلال
جلال بن ناصر المرشدي