راكب اللي فزته فزة الظبي الخريش

[سمران القثامي]

[poet font="Simplified Arabic,4,black,normal,normal" bkcolor="transparent" bkimage="backgrounds/5.gif" border="solid,4,gray" type=0 line=200% align=center use=ex length=0 char="" num="0,black" filter=""]

مساجلة بيني وبين الشاعر موسم القثامي
راكب اللي فزته فزة الظبي الخريش=من مداوير القنص جاي في عقله خراش

من تولى طارته مايقول الايعيش=وان نشدت اللي يعرف المزايا قال عاش

صمموه أهل الرذيلة مكيفة الحشيش=لورفع سعره رجال المعارض يابلاش

جيبٍ أبيص لاانتحى الليل تسمع له وقيش=صوت راع يسحب العلف في دهم الخياش

مثبتٍ في دفتره ملك ذباح الغشيش=لااعتزى به ناشف الريق في يوم الهواش

من عيال العودلاأوميت له ماقال ليش=فالشدايدلن نصيته تحزم بالكلاش

ساق فيه الكاش من لايحسب للمعيش=من رصيدٍفايضه تحت مطروق الفراش

حشمه لنفس تحب الخلامربا الوحيش=خص لاعل المطركل قفرٍبالرشاش

لااسبلت دهم المراويح زخات الرشيش=يبهج الخاطر تمدريه في ضلع وهتاش

يامدورللجمايل وأنا عندي طريش=جهز الجيب المشرع بعد ظل القراش

دق سلفه وانقره واحتملنا ماعليش=واوصل المكتوب موسم بلا طيلة نقاش

ثم قله صاحبك في هوى المترف بليش=والله اللي ولعه والمقدر مايهاش

لااستلذبمرقده واهتنى الطرف الرميش=استلم زام السهر من غدى حاله نشاش

مايلوح بخاطره غير ابوكف نقيش=مغتني بمشاهده مايبا غيره معاش

فيه سيرة من وطى بالقدم ناب الحنيش=منصرف عن لذة النوم لخيوط الغباش

حايلٍ بينه وبين الغضي عزوة وجيش= محتميها السيف الأبتر عن عموش وعماش

لانوى سوق المطايا مع الدرب البريش=حارت الحيلة وغصن الثمر عيا يناش

عايشٍ يرجي مددها عساها ماتعيش=ويتعسى بلة الريق من بيض الغراش

ولايسر الطير رفة جناح بدون ريش=ولاتحل معقدات الحبال يدين لاش

ميرجعل الشاعر اللي سهومه ماتطيش=يطلق أنشاب القضيه ليا ذرع وهاش

حيث فعل الطيب مايدركه خطو الكديش=غير نسل حصان ماطب في عظمه هشاش

وسلامتكم
[/poet]