فرعون وكتابه

[محمد بن دغيم السميري]

(فرعون وكتابه)

[poem=font="simplified arabic,6,black,bold,normal" bkcolor="transparent" bkimage="" border="double,10,orangered" type=2 line=0 align=center use=ex num="0,black""]
ياراع العلوم اللي كبار وتعود إصغار=تبا العرف ومجنّبك حضك عن ابوابه
نقلت الخبر بالنص والوزن والمعيار=وهذاه انت وصلته وحنّا درينابه
ومشكور ماقصرت يامكرم الخطار=ولا انته براعي نصب والبعض نصابه
وحنا معرفتنا تكفي بدوب إندار=وكم غيرنا يوجد عوارف وغيابه
وانا ماطلبتك شار والشار لأهل الشار=ولاكل من جانا بشار إنتمشابه
علومك رميناها سواة الحطب فالنار=ولا وافق الاسناع منها ولا جابه
علومٍ يسويها عمير ويبا عمار=يبيّن بها راسه وهوداخل الغابه
يزوزم بها غيره وهو في بعيد الدار=ويبلش بها الغافل ليا جات بحسابه
يضلي مثل جحا ووضعه مع المسمار=وحسن النوايا نوب ياذعار كذابه
نصحت الشوير اللي معباً من الاشوار=لياهو من التوجيه ممتلي ٍ جرابه
وقلت انتبه لاتخدعك حيلة المكار=تطرف عن الضبع المدمى وعن نابه
توقع ترى منته بناشي ولا انت ذعار=علشان نتعب لأجل شورك ونشقابه
هضالا خيار الربع وامّا انت ياستار=تبا المعرفه مير المقادير غلّا به
معرفتك دون وطحت لك في يدين اشرار=ولاعاد خلوا معك عقلٍ تقدابه
نقول الدروب يمين وانته تروح يسار=وترضى بشيٍ ناقص العقل يرضابه
يدفونك الانذال مابين نار وغار=اجل كيف نأخذ رايك اللي تجينابه
وانا كاشفٍ كل الالاعيب بالمنظار=بعد ماقريت كتاب فرعون واصحابه
عرفت القمار وعارفٍ خطّة القمار=اطلّع من اعماق الهناديب هندابه
واعرف العميل اللي يوزع على التجار=بضائع فلس ولها زبائن وجلاّبه
وابو شار ماله شار لكن بالرادار=يوجّه وابو رادار للشرق صلابه
ولو كل مجلس فيه رجل ٍ كلامه حار=يهابونه العيال وابليس واحزابه
ماضلى ينافق فألمجالس ولاهذار=يحسب المنافق للزلل قبل يبدابه
ترى سد مأرب مالعب فيه غير الفار=وموت الملك نمرود من سبّة ذبابه
نبا النأس تصحي بعد ماطوّل المشوار=ولاقصدنا الغايب ليا غاب نغتابه
عسى الله يلم الشمل وقلوبنا ياذعار=ودرب الخلاف المنفتح ينقفل بابه[/poem]


...