دخيل الدمعتين اللي, غدت منها الخدود شقـوق

[فيصل بن جامع]

بسم الله الرحمن الرحيم

,
,

صباح الورد ’,,

\
/


على طاري صباح الورد , وإسمك , والحلا والذوق
...... ذكرتك يا أجمـل أحلامـي , بقافـي واستهليتـه

على درب القصيد أسوق , قلبي والخطاوي شوق
...... وإذا مالت بي الخطوة , علـى دربـك تناسيتـه

يهز الشوق بأعماقي , عناقيـد الغـرام عـذوق
...... ويقطف بالغلا فيني , غرام(ن) خنـت وأخفيتـه

أحبك كثر ما يشعل , غرامك في حشاي حـروق
...... وشبٌه زود لو يحرق , ضلوعي مت ما اطفيتـه

أحبك دمعت(ن) طاحت , على خد الصباح اشروق
...... يموت النور لو طاحت , علـى كفـي وضميتـه

أحبك , إيه أحب إسمك .. وأموت بجيدك المنتـوق
...... و تخيل كثر ما أكره صـدودك , قمـت حبيتـه

تعال , إجرح على كيفك , تربع واستحل عـروق
...... تدلل والبسـاط أحمـد , وأنـا لرضـاك مديتـه

قم إسهج لآخر ضلوعي, تغلغل داخلـي برفـوق
...... حلالك ما بقى مني , مـع اللـي لأجلـك أفنيتـه

من اللي من غديت أجمل قصيدة ما غدا لـه ذوق
...... ومن اللي كتب باسمك قصيـده وانكسـر بيتـه

وربي , من كتبت إسمك وبروزته بقلبـي فـوق
...... وأنا ما دار فـي بالـي , قصيـد مـا تحاليتـه

دخيل الدمعتين اللي, غدت منها الخدود شقـوق
...... ترفق سامحك ربي , على قلب(ن) لـك أهديتـه

إذا لك حق في قلبي , فأنا لي في غلاك حقـوق
...... و حقوق الشوق محفوظة , وحدي مـا تعديتـه

يذكرني صباح الورد , وإسمك , والحلا والـذوق
...... وأردد يا ( أجمل أحلامي ) بقافـي يـوم هليتـه


\
/


مما رآق لي ’,,,

فأتمنى أن تعجبكم وتنال أستحسانكم ’,,
\