إستمطار الوصل !!

[ماجد بن هلال]

بسم الله الرحمن الرحيم
السلام عليكم ورحمة الله وبركاته

لـ التوآصل ..
مِنْ الأرشيف ..

/

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مستمطر السحب أبا أوصّيك في حاجه = أبيك تستمطر (إ)وصال السنافيّه
شفّي سحابة وصل بالغيث ثجّاجه = في ليلٍ أبرز سماته زود حنيّه
في وسط صدري رعايا الشوق محتاجه = والصدر من غير وصل أرضٍ سناويّه
والفكر من بعدها يا ما اكثر انتاجه = بأبيات فيها على ماقيل ماريّه
كتبتها يوم كلٍ يضحك حجاجه = وأنا على نارٍ (إ)من فراقها حيّه
شيٍ نشرته ، وشئ لا زال فأدراجه = وأبيات تنقال من باب الخصوصيه
للي عطاها الجمال اليوسفي تاجه = و مُحال تلقى شبهها فالسعوديه
كم ليلةٍ زاد شوقي وأوقد (إ)سراجه=لمعانق (إ)طيوفها على أمل جيّه
ويُطفي سراجه كثر ياسه ولا واجه= لاطيفها في مفارقها ولا هيّه
أكيد تسمع لحكي العذل وإزعاجه=ولاّ من (إ)عدود حكي العذل مسقيّه
العذل سهلٍ دخوله ، صعب مخراجه=لكنّ حسبي على اللي ينوي السيّه
والعذل داءٍ قويٍّ يصعب (إ)علاجه = للي مناعة شعوره هشّه شويّه
ولاّ ، بقول إسعفيني يوم بمواجه = وتكفّين صفّي على ماقالوا النيّه
همّي سكنّي وخلاّ الرجل دوّاجه = وخلاّ عيوني من الفرقا شقاويّه
والهمّ بحرٍ عجزت أصارع أمواجه = وسلامتي في يدك ماهيب في يديّه
والهمّ مثل السجين ولحظة إفراجه = ماغير شوفتك يا البنت السنافيّه[/poem]

17/6/29 هـ