1365...... ســــــــــداح

[فيصل المسعودي]

[glint][glow=FFFFFF]ســـــــــــــــــــداح[/glow][/glint]

[glint][glow=FFFFFF]منقول من شبكة المرقاب الأدبيه[/glow][/glint]




[glow=FFFFFF][poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الحـبّ مـا كفـرّ ذنـوب المحبيّـن=
عاشـوا بحـقّ اقلوبهـم مذنبينـي

يركز على صـدر المولّـع نياشيـن=
ويجمع له .. الحسـاد والشامتينـي

متبوع ف الدنيا ومشروع ف الديـن=
فطـره مـع الكفّـار والمسلميـنـي

وانا على سلـم الرجـال المسميّـن=
كسّابـة الثنتيـن دنـيـا وديـنـي

اللي ليـا قـروّا .. تقـرّ الموازيـن=
فعلن ضروبه مـن قديـم السنينـي

وقفت بين العقـل والقلـب والعيـن=
واحترت في عقلي وقلبـي وعينـي

ادوّر الخيره .. وانـا بيـن ثنتيـن=
واللي يجينـي مـن وراهـا يجينـي

آخذ مـن نجـوم المجـرّه براهيـن=
وافلج دعاوى الجدي ب الفرقدينـي

وين انت يا مسرج هجوسي وانا وين=
عيّت وسـاع البيـد تقطـع حنينـي

ألـف وثلاثميـه وخمسـه وستيـن=
كيلو متر بالضبط .. بينـك وبينـي

كيّلتهـا والقلـب مـع كـل متريـن=
يقسى على حدب الضلـوع ويلينـي

ياليّنه جيتك .. على العسـر والليـن=
اردّ عـن يسـراي صفقـة يمينـي

خليني اكتب لهفتـي بيـن قوسيـن=
وحطي تحتها خـط .. واستوعبينـي

ماعندي الا قلب ولـو معـي قلبيـن=
واللهّ ل اعلقّ صورتـك ف الثنينـي

وابدع لحن واطوّح الصوت صوتيـن=
أمّا علـى المسحـوب ولاّ الهجينـي [/poem][/glow]