دام إنتظار الدلـو ياجمّـة البيـر % للما يموت وحبـل الايـام جايـر

[فيصل المسعودي]

[glow=FFFFFF]فـــيـــصـــل الـــســـواط[/glow]


[glow=FFFFFF][poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
طال إنتظار الدلـو ياجمٍّـة البيـر=
والما يموت وحبل الايـام جايـر
وانا تعبت من الصبر والمشاويـر=
لين القدم خـاوت دروب العثايـر
مشت على جمر الغضا والمسامير=
واثر الحيـاه مربعـات ودوايـر
وخطوط حمرا للرجال المناعيـر=
مافرّقت بين الحضـر والعشايـر
والصبر زين وكل مطرود في خير=
ملحوق لويسري على جنح طايـر
لكن صبري يازمن غير في غيـر=
مااصبر عن الماوالعطش فالضماير
عمري سنابل والدقايق عصافيـر=
تاكل من ايامي وانا اموت حايـر
إنشد ظلام الليل كيـف البواكيـر=
تنزل على قلبـي وتالـع صقايـر
صارت همومي عند قلبي طوابير=
من سبّة الفرقـا وبُعـد البشايـر
واحزان قلبي بين جهـم ومغاتيـر=
ترعى من القلب الخضر والعبايـر
وانا انتظر مثل الموانـي بوابيـر=
وافلّ حبـات الخـرز والستايـر
وارسم مضاليل الهدب والمناخيـر=
على الزوايـا باصبعـي فالغبايـر
والله لو عنـدي جناحيـن لاطيـر=
وانزل على عشب وغرام وظفاير
وارد على منهول سـت الغناديـر=
والمّهـا بيـن الجـروح الغوايـر
لكـن وصلـي مالقالـه معاذيـر=
وافراقها مثـل الذنـوب الكبايـر
مااقـول غيـر الله يلـمّ المناثيـر=
ويصبّر المكسـور نيـل الجبايـر
دام إنتظار الدلـو ياجمّـة البيـر=
للما يموت وحبـل الايـام جايـر[/poem][/glow]