يفوح صدري ... للتواصل

[رشيد الكسر]

بسم الله الرحمن الرحيم



السلام عليكم ورحمة الله وبركاته



متواضعه من ارشيفي اضعها بين ايديكم .. عسى ان ترتقي ولو للقليل من رضى ذائقتكم

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ألفٍ هلا لاجيت وألفين ترحاب = خطوه عزيزه يوم حظرتك لي جيت

ضي الفرح في ناظري ماله غياب = وحزني تبدد غيمته يوم طليت

وعني همومٍ تنجلي مالها حساب = وقلبي من جروحه تشافى وغنيت

انت الدوا وانت الشفا وانت الاطباب = ياللي ليا شفتك تراني تعافيت

انت الامل والظن ابد فيك ماخاب = علقت امالي فيك واقول ياليت

انا بدونك ليلةٍ بدرها غاب = ظلما وحيشه لو بها يشتعل ليت

بين الحنايا العوج ولعت ملهاب = لاضي سناها في الحشا يوم شبيت

يفوح صدري فوحة ادلالٍ اعذاب = رسلانتينٍ فوق جمر الغضى اركيت

ومشاعري باحت لك بلوم وعتاب = وتفجر احساسي على شانك ابطيت

لا ياشقاي وعلتي بعد الاحباب = اللي بنوا بأقصى الضماير لهم بيت

واقول ماشفته مقادير واسباب = من واحدٍ يرجع له الحي والميت[/poem]


وسلامتكم



رشيد الكسر