زلة الغاااااااالي

[قوت القلوب]

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black""]
طيبك ياقلبي المجروح سبة عناك=وبسمتك للي يدس الكيد دايم بريق
ضيعت عمرك في صدق الحب والعلم جاك=غرد عن السرب مالك عقب ربعك رفيق
أنا أدري إنك جريح وهد حيلك عناك=وأنا ادري إنك نزفت وصار جرحك عميق
وأنا أدري إنك صدوق وكان صدقك خطاك=وأنا أدري إنك عذرت وكان طبعك عريق
إلى متى وأنت تحجب عن عروقك قساك=وإلى متى وأنت في أمسك وكنك عتيق
وإلى متى وأنت ترسم مع سرابك مناك=وإلى متى وأنت تصبر لاولنتب تطيق
حلق مع الغيم عل الغيم يروي ظماك=وإن حل ليلك ترى راحتك قبل الطريق
أنته كما الطير تكفخ كل ماأحدن دعاك=وأنته كما العشب الأخضرماتحب الحريق
إن شلت من زلة الغالي ولو هو سماك=تساقطت عن سماء صاحبك قمة طويق
وإن ذقت من كاس غدر الناس محدن بكاك=مالك سوى إنك تعلم كل دمعن غريق
مايذرف إلا على شخصن يدور رضاك=شخصن يليق بوصالك وأنت مثله تليق
والا على من يزفون الحكي من وراك=الدمع يحرم وصدرن ضاق لالايضيق[/poem]