هذه القصيده قالها الشاعر/ محمد ابن شبيب الحداري الحربي

[راع الجدعى]

[align=center]

هذه القصيدة قالها شاعر قبيلة حرب الشاعر الكبير / محمد بن شبيب الحداري الحربي يمدح بها قبيلة عنزة .

وقد قالها قبل اكثر من 50 عام والقاها امام الشاعرالكبير/ خلف ابن غريب العنزي ( ابو خالد ) حفظه الله .

كما لايفوتني ان اشكر الشاعر محمد الحداري الحربي واطلب من الله ان يمد في عمرهـ على الطاعة

[/align]
[poem=font=",6,darkblue,bold,normal" bkcolor="transparent" bkimage="http://www.3nzh.com/vb/mwaextraedit2/backgrounds/43.gif" border="none,4," type=0 line=0 align=center use=ex num="0,black""]
يا راكب اللي ربعت بالغبية = اربع سنين معشبة تقني الحال
يا ما الاباهر كرب الجلد نيه = وحدر الدفاين صار له حقف وظلال
وترا الشحم دايم يعثر المطية = ادرا عليها عن بعض مشي الاسبال
اما هدد والاطوت من يديه = لياما بعيد الدرب ينقص من الحال
ولا هي عسيف توها عيهلية = حال عليها فرغت قدمها حال
هي منوة اللي ضارب صوب نية = شف الهوى ماضي لها جلس وحيال
تلفي لريف الضيف واهل اليدية = حماية التالي وماضين الافعال
تلفي للايدا راعي الشاذلية = اللي مناخه لاهل الهجن مدهال
وان قطب الدخان في كل هية = يشدا ربان به هماليل وخيال
زبن الحصان ومن جواده ردية = في حزة ما فيه منع وعذال
ترعى به القطعان مع كل نية = وكم من عقيد جا يبيها ولا نال
تلفي محمد شوق جثل اللوية = اللي لضيفه يرهن الروح والمال
يا ريف من تقصر عن الما دليه = ويا ريف اهل هجن من البعد قفال
يقعد العاني بنفس رضية = شيخ الشيوخ ووافي كل الاكمال
والا لبن هزاع زبن الونية = مروي المصقل فوق شهبات الاذيال
اهل الصخى واهل الوجيه الفضيه = وعقبان نجد اللي على ماض الاجيال
ونعم لابن مجلاد ونعم لحيه = سواقة العطفة وحماية الذال
يا ما ارملوا من عين بنت غضية = خلوا محاجرها على الشوق همال
سعران وقت الدين والجاهلية = مثل الحيا تنجع له النالس حوال
اللي عطى من حر ماله حذية = عوص النجايب موصلات عن اللال
ويا ما عزل من عاقر اجنبية = بالسيف تاتي واشقر الدم شلال
ومثل المهادي صابر بالخفية = يرفا لجاره صيفة العش بظلال
اودع له الدنيا رخيص غليه = ويرفا خماله لو بدا فيه ما قال
وابن مهيد معزب الآهلية = اللي يصوت بالعشا وابن هذال
يا ريف ضيفه بالقرا والتحية = قولة هلا يا مرحبا مالها ابدال
شوق الهنوف اللي تردع شفيه = اللي نهوده قعد تقل فنجال
وخيال وضح في فياض عذية = وليا مشت وسط الدبش تعجب البال
ومن مثل ابن شعلان جزل العطية = يا ريف هجن للمسا عقب مقيال
بيته محل الضيف والمقعدية = ويقلط الترحيب في سهلة البال
وعقيد عيرات تبوج الدوية = ويثني بيوم فيه عدل وميال
يثني ليا ذهل الخوي عن خويه = وليا غدا الصابور مشيه تعزال
ونعم العواجي يا عقيد السرية = وعقيد قوم تدرق فيه الانذال
يفوز بالرجلي وراع المطية = ولا حط دون البن قفل وكيال
ونعم بكم يا عنوز بالذكر ليه = يا عنوز مانتم للردى بيت مدخال
ولا اسبكم والله رقيب عليه = النور في وجه الفتى سرج دلال
تمت وصلى العبد على نبيه = وصلوا على المبعوث عاقل وجهال[/poem]

[align=center]

وهنا رابط القصيدة فيديو بالصوت والصورة

للشاعرالكبير/ محمد ابن شبيب الحداري الحربي وبحضور الشاعر خلف ابن غريب العنزي

لتحميل المقطع اضغط على الرابط ادناه ثم الرجاء الانتظار حتى ينتهي من العد التنازلي ويظهر وصلة

التحميل كل ما عليك الضغط عليها( ملاحظة حجم الملف 24 ميقا)

[/align]

[align=center]
http://www.4shared.com/get/87616925/...69002EFD.dc115[/align]