لـو يرفـع الـرجـال صـوتـه يـنـادي

[نوف]

[grade="00BFFF 4169E1 0000FF"][frame="5 80"]
يابـو خلـف هــذي لـيـال المـنـادي
سهيل في عرض السماء شايفينـه
القيض راح وجـاك وقـت البـرادي
والماء عقـب غرفـه تمـزع قطينـه
بدالهـم يــوم ابــرد الـوقـت بــادي
وامـسـو وتـالـي رايـهـم قاطعـيـنـه
وقاموا علـى علمـاً قضيبـاً وكـادي
والراي من شيخ العـرب عارفينـه
الزمـل عقـل واول الطـرش قــادي
وصميلهـم يـوم اسـفـرو مرتويـنـه
والبيض طوّ(ن) البيـوت الجـدادي
والـزمـل مختلـطـاً رغــاه وحنيـنـه
لـو يرفـع الـرجـال صـوتـه يـنـادي
مايسـمـعـونـه كـنـهــم سـافـهـيـنـه
مايسمعـون مـن الـرغـا والتـنـادي
عـلـقــاً يـخـمـونــه وذا شـايـلـيـنـه
غــادً لطفـقـات الـزوامــل تـــرادي
ورعـانـهــم بعـصـيـهـم قـاهـريـنـه
وعط السلف معه الاصايـل تقـادي
يـبـون مـشـتـاً لـلـدبـش خابـريـنـه
وتــوادعــن مـنـقـشـات الايـــــادي
كـلاً لهـا فـوق اوضـحـاً عاسفيـنـه
كم قلب عشيقاً هـاك اليـوم غـادي
عقـب الاناسـه خـاطـره كاسريـنـه
شدوا يبـون مـن الصفـي للبجـادي
واكثـرهـم العـرفـا نسفـهـا يمـيـنـه
وتخابطوا من ضلع مارق وغـادي
واولهـم الصـلـب الحـمـر نازليـنـه
بــدواً يـبـارون الشـقـاح الـتــلادي
ولاهـم عـن دربـاً يـبـي عاسريـنـه
في ضفهم ترعى الطفوح السنادي
كـم شيـخ قـومـاً دونـهـا مزعليـنـه
تـرعـى بـضـل معيلـيـن الـطــرادي
مطيـر والـجـوخ الحـمـر لابسيـنـه
مـطـيـر سـقـمـاً لـلـعـدو الـمـعـادي
عـدوهـم هـجـر الجـمـل هاجـريـنـه
عــدوهــم مـايـهـتـنـي بـالــرقــادي
يسهر وتقزا عن حـلا النـوم عينـه
عنـد العشايـر مقـرعـات الـتـوادي
كـم فارسـاً عــن سابـقـه حاذفيـنـه
يابو خلف يوم اصطفـاق البـوادي
وصمـانـا يـابـو خـلــف محتمـيـنـه
حاميـنـهـا بـمـصـقـلات الـهـنــادي
يـومـاً كــلً رخصـتـه فـــي يـديـنـه
واليوم فيه اهل النجف والرمـادي
يـرعـون وسـطـه كنـهـم مالكـيـنـه
جنـداً علينـا هـاض كثـر الجـرادي
يومنهـا مــره هــاك الـوقـت ويـنـه
دكو فيـاض الصلـب والغبـن زادي
ومنزالهـم بالسـبـق راس الغبيـنـه
غدو على الصمـان علـة اصمـادي
قـطـعـهـم الله قـشـعـهـا قـاطـعـيـنـه
تمـت بذكـر اللـي عليـه اعتـمـادي
منجـي نبيـه نـوح فــوق السفيـنـه



الشاعر الكبير فلاح العرااك[/frame][/grade]