غالي بلحيل والله ياخويي

[محمد بن هلال]

اليكم بعدالسلام هذه الابيات من باب التواصل معكم عسى ان تجد شي من الاستحسان

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان زعلت الي الزعل على خويي=خص لاصار اخطل اليمنى وغالي

صاحبٍ يفرح بشوفي وبمجيي=مثل فرحي به الياجاله مجالي

زان وضعي معه ولاصار سيي=بيننا مابه حرام ولاحلالي

غير ماحرم علينا ياسميي=في كتاب الله واسلوم الرجالي

وصد عني صدةٍ حاست نويي=ماحسب لخوتي اول وتالي

وعرف سر المشكله غير متهيي=انقطع وعن السبب طال السوالي

والظروف احيان يامحمد تعيي=تقهرك لو كنت ابوزيد الهلالي

مير قل للي جحد شمسي وفيي= لاحداه القيض يرجع للظلالي

والله لييبطي ولاخاواه زيي=وانه ليدفن وهوعندي مثالي

وانه ليبقى بعد ميتي وحيي=تاج راسي فوق راسي والعقالي

غاليٍِ بلحيل والله ياخويي=غاليٍ بلحيل والله ثم غالي[/poem]