فــاطـمـه

[صياح الغبين]

فاطمه يافاتنه تدرين سحر الابتسامه
ثغرك وعقد البرد روح الشقاوة بخرزاته

فارقه في ثغرك الزاهي شقاوتها علامه
اكسري طوق الخجل حلاك زايد من حلاته

ربي اعطاك الجمال اليوسفي تاجه وسامه
باسط سبع الاراضي رافع سبع سمواته

يانفل نبت اطهر ارض وقحويانه ياخزامه
عج فعروقي غلاك وعج بانفاسك نباته

مرتوي حبك سحاب ابها لياغازل تهامه
وهمس زخات المطر في ساحله هيبة سراته

الشعر صدق الشعور ونبض تعبيره غمامه
اروت بدفء المشاعر دجلة القلب وفراته

تلبس الثوب القشيب ارض التجافي من كلامه
وحسرة اثمار الوصال الطائفية من سكاته

في فؤادي لك حضور العيد والبدر بتمامه
ياسلام الله عليك ورحمة الله وبركاته

شاعرك يافاطمه ولياسرق طيفك منامه
امتطى صهوة قصيده راس ماله في حياته

لك قصيدي والوله والعشق والقلب وهيامه
فاطمة تبختري تفردني ضافي عباته

فاطمة والدار موحش يزرع الرهبة ظلامة
ماكسر باس الشموخ بشاعرك ظلم وشماته

من حسد ظل الشجر من خوف تامن به حمامه
تسجع ويخشع من الخوف البنادم في صلاته

يانهار العز ياليل التجافي والندامه
ايه يعني يافقر ذيب الجبل والا غناته

انهشوا لحمه بليا ذنب بانياب الملامه
ليش مدري شاعرك حزن ومواجع ذكرياته


الاكيد ان الجبل ثابت ليا يوم القيامه
مااحترك لو صرصري الريح هبت عاتياته

رغم طعنات الغدر شاعرك ماباد احترامه
انصرم يوم امس والشمس اكتبت قصة وفاته

يكفي انه لو يموت يموت والنخوه حزامه
وان توفى ربما محسود حتى في مماته!!!



صياح النفيعي