يارسول الله

[عادل العصيمي]

:11612_1210249319:


شيلــــــــة

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
لو جمعنا كل كتـّاب الأدب = والهجوس تمدنا باللي نبيه
والفرايد ترضخ بطيب وغصب = كل ما مد المهوجس راحتيه
ولو نصب حروفها صب الذهب = لين يصبح كل حرفٍ عن جنيه
والله أنا ما وفينا ما وجب = لو يوفــّي كل بار بوالديه
يوم نمدح نسل عبد المطلب = ياصلاة ويا سلام الله عليه
الأمين الصادق اللي ما كذب = ما نطق الا بما يوحى اليه
أرسله ربي نذير ٍ من غضب = وأرسله ربي بشير لمتقيه
رحمةٍ للعالمين من اللهب = في نهارٍ يبعث المخلوق فيه
حارب أهل الشرك بالسيف الحدب = وأبتدى عصر العدالة تحتويه
كمّل الدين المنزل ثم خطب = وأتمم النعمة على الناس ورضيه
يارسول الله حبك ما نضب = كل منا فدوتك أمه وأبيه
ما علينا من رديّ المنقلب = من ينقص قيمتك شلّة يديه
يرسمون ويكتبون ولا عجب = ما تعرّض للكريم الا السفيه
يمكرون ألنا ومكر الله غلب = كل يوم الدين ناسٍ تهتويه
الله اللي يحفظ الدين ووهب = في عباده من طريقه نقتديه[/poem]