لاغرابه فالعتيبي لاطلع كمل مداره

[عبدالله المرشدي]

قصيده متواضعه مهداه للاستاذ القدير فهد حمدان العفتان المقاطي ويستاهل
والحقيقه اني كتبتها على عجل لكن عساها تنال رضاه ورضاكم

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المدير اللي تفاخر فيه رواد الاداره = كل ماجاله مراجع قال ياطيب المدير
التواضع بالتعامل واللباقه والمهاره=ميزةٍ يفرق بها قدر الكبير عن الكبير
مثل ابو خالد فهد حمدان واللي في مساره=يرتقي بالدايره للمجد في وقتٍ قصير
اشهد انه في مكانه صح ماعين خساره= والدليل ان العمل ماشي على نهج الوزير
مًعلًمٍ بالحاضره والباديه تشوف ناره=يسهم بزود التقدم بالحضاره والمسير
صاب به من قال معرفة الرجال اكبر تجاره=لانه لحاله بفعله ند للجمع الغفير
مايبي مني مديح ولا يبي مني اشاره=حرٍ مجرب قليل انك تلاقي له نظير
لاغرابه فالعتيبي لاطلع كمل مداره=لين يضوي في سما الابداع كالبدر المنير
وابوخالد طيبٍ والطيب في يمناه داره=واشهد انه يستحق المدح والخير الكثير[/poem]