هذا الصديق

[مدله الضميان]

عاش الصديق اللي يحفظ الصداقه000مهي صداقت كيف حالك وكيف انت


ضديد للعايل بعزم وطلاقه000ويقول للي عال عود كما كنت


ون شاف وقتك مايلاتاً اشناقه000 يقول لك لاهان راسك ولا هنت


والى اكتسحك الضيق زاد احتراقه000ويزين له صفو المشارب الى زنت


شرواه يحمل كل معنى الرفاقه000دام يتبين معك كاتك تبينت


مهي صداقت هرج حلو ولباقه 000اللي مناه وسعد عينه الى لنت


حلو الكلام الحنظلي في مذاقه000ون شاف وقتك شين يسعد الى شنت


وكان الزمن فوقك توسع ارواقه000تنبت له الجنحان ويقول ماخنت


وهو تدفعه يمك سيوف الحماقه000وقلبه حسد مع حقد ماخوذ بالسنت


بس الصدبق اللي يعرف الصداقه000يبين ماهو كيف حالك وكيف انت