كن الكهارب عن بيوته اتطفاء*****

[مدله الضميان]

تقبلوا تحياتي وهذه القصيدة جادت بها قريحتي امل ان تحوز على شي من ارضاكم::

[frame="1 80"][poem=font="Simplified Arabic,5,crimson,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اظلم عفيف وشان قاعه وجوه = من يوم عنها كامل الوصف قفا

جو البلد من يوم قفا تشوه =وكن الكهارب عن بيوته اتطفا

احرق معاليق الضماير بضوه =ضو الفراق اللي بقلبي تخفا

حبه على قلبي تمركز بنوه =وفراق غض العود موتاً مصفا

بالزين من بين العذارا مفوه =والحب مع غيره عقيم وتوفا

من كثر حبه صار بالقلب هوه=وقلبي مهوب من المحبه معفا

حبه تمكن بالمعاليق توه = والدم من جرحي يفوح وتكفا

بالحب علق له بقلبي عنوه =بعنوته دم الضماير تدفا

ليت يحصل لي مع هوا البال خوه =والا يعود ومن عناه اتشفا

وتستقبله كل المشاعر بقوه =واقول اخذ قلبي عسى القلب كفا

واعلن على كل المشاعر وانوه =بالفرحه اللي بعدها الجفن غفا

واقول مايرضيك بالروح سوه =عاشقك في عهد المحبين وفا

عرق الوريد اللي نشف منك روه = لعل وهاج الضماير يطفا[/poem] [/frame]