صبــــري علـــى نفســي

[عيد قيضي البلوي]

[align=center]صبري على نفسي [/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انـا لزلات القريـبين غفــار = والعفـو شيمـه بالنفوس الرفيعه
عندي لهم شيمه وقيمه ومقدار = مقـدارهم عندي حصونه منيعــه
ون ماصبر غيري علي صرت صبار = ون كان ما طاوعني الراي اطيعه
واحيان اجامل واتقي شي ماصار = تخاف نفسي واعتبرها شجيعـه
صبري على نفسي وكتمان الاسرار= اخـير من صبر الصديق وصنيعه
والصبرلوهو باالحشاء يوقـد النار= عواقبه من فضل ربي نفيعـــه
ودي سداد الراي لو ودي اختـار = ودي لو0ان الصبر عـدي طبيعـه
لكـن له في داخل النفس معيار = واللـي يزود الـنفس ماتستطيعه
ون لجلجت بالراس عجلات الافكار = انظر بها واقصر عنان السريعـه
انظر توابعها من اصغار واكبار = وشوف ماهـو حكمها بالشريعــه
وشاور ابرايي من الناس الاخيار = والا الردي شوره لنفســه قطيعه
ون ضاق صدري من هل الدار والدار= شديت ركبي ورض ربي وسيعه
ادور الاعـذار لو مالـي اعـذار = وللا أي حاجـه واتخذها ذريعــه
ابعد الى ماالنفس تنسى الذي سار = والبعـد طبا للنفوس الوجيعـــه
تغير الاحوال والوقــت دوار = والعمـــر ما كل الليالي ربيعه
والدار يغليها على نفسـك الجـار = اما تمسـك فيه0 ولاّ 0 تبــيعـه[/poem]

[align=center] وسلامتكم: عيد بن قيضي البلوي [/align]