قصيده مطير وعتيبه وشاعر المليون !!

[مطير ربعي]

قصيده تعبر عن نفسها بما جرى من شاعر المليون هذا البرنامج ناجح للامانه ولكن لك حصان كبوه واكبر عثراته النعرات القبليه واكثر المتضررين حمران النواظر مطير وعتيبه الهيلا هذه القبيله التي اكن لها كل احترام وتقدير وهذه القصيده تعبر عن نفسها وتقبلوها منى على بساطتها












[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياشاعـر المليـون حطمـت الامـال=منـت الطمـوح اللـي نبيـه ونريـده
سببت لك فتنه على روس الاقذال=وراحت ضحاياهـا القلـوب البليـده
ناسٍ تحسب المسألـه ساحـة قتـال=وكلٍ على الثانـي يحـد الحديـده !!
يانـاس ياعالـم هـذا الحكـي بـطـال=والمسـألـه مغـيـر ذوق وقـصـيـده
الشاعـر اللـي يعجبـك كـل مـاقـال=ارسل على شانه رساله وحيده !!
فزعاتنـا ماهـي بتصـويـت جــوال=فزعاتنا حطّت حكومـه رشيـده !!
حنـا قبايـل نـجـد ذربـيـن الافـعـال=اصغر ورع فينـا عـن اميـة وليـده
وياعتيبـه الهيـلا صناديـد الابطـال=حنـا مطيـر اهـل العـلـوم الفـريـده
حنا سما عالـي كمـا الغيـث همـال=وانتـو الجبـال الراسيـات الشديـده
وانـتـو فعايلـكـم تــدرّس للأجـيـال=وحـنـا وصلـنـا للـنـجـوم البـعـيـده
رجالكم علـى العـدو سيـف سـلال=ورجـالـنـا دايـــم عــــدوّه فـقـيــده
انتـم وحنّـا كالبناخـي مــع الـخـال=الطـبـع واحــد والعـلاقـه وطـيــده
مطيـر وعتيبـه تقـل نـسـل رجــال=كــل الـبـدايـد تعتـبـرنـا بـديــده !!
وان عودت شعر وقوافـي ومـوال=انـتـم عـوامـيـده وحـنــا رصـيــده
شعاركـم اهـل الجزالـه والامـثـال=وشعـارنـا الشـعـر نفـسـه تـزيــده
فيكـم حبيّـب والفحـل ابــن هــذال=وفينا سعد سلطان وتركـي الوليـده
شعار صح وابياتهـم كلهـا اجـزال=وقصيدهـم يـزيـد سـعـر الجـريـده
نبقى على روس النوايف والاقذال=وياشاعـر المليـون مـاهـي جـديـده
مطيـر والعتبـان حطّـووك بالـعـال=ومن دوننا رصيدكـم عالحديـده ؟! [/poem]






[align=center]وسلامتكم[/align]