ناصر الرقاص &سعود الدلبحي

[@الدلبحي@]

:11612_1214554985:

بعد غياب حبيت اطرح هذه المراسله

بين الشاعر ناصر الرقاص والشاعر سعود بن حادي



ناصر الرقاص
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بسم الذي نزل تبارك والانفال = باعث جميع الخلق يوم القيامه
هوملتجااللي يشكي الهم والحال = واللي رجاربه حياته سلامه
من بعد ذكره زان لي بدع الأمثال = قلبي دليلي والعقل له دعامه
هات القلم خله يسجل ويختال = سجل على الاوراق غايه مرامه
في مدح وافين الخصايل والابطال = يطرب لهاقافي وحول غمامه
اللي لهم بالطيب قدرن ومنزال = أهل المراجل والكرم والزعامه
اللابه اللي صيتهافوق ماطال = اللي بنت للمجد صرحن وهامه
متوارثين الطيب جيل ورى اجيال = كسابه الناموس وأهل الجهامه
سترالعذارى لاعتزى كل رجال = لاجاء نهارن مظلمن في عسامه
للضد ضد وحقهم مابعد مال = ويطوعون اللي برأسه قرامه
دلابحه إليا اصتفق جال ٍ بجال = شاب العدواللي بسن الفطامه
منهم عضيدلي على الرأس ينشال = رجلن عزيزوعالين في مقامه
الصاحب اللي للصعيبات حلال = يحل عسرات الأموربصرامه
بعلومه اللي تشرح الصدروالبال = يفرض على كل النشاما احترامه
وأناقصدته دامه يعرف الاحوال = دام المراجل كلهافي استلامه
بحرالندى سم العدى ذرب الافعال = كريم سبلاماعليه الملامه
هوالذي للطيب عزومدهال = وعلى دروب العزتصمل عظامه
وأنامدحته ماارتجي جاهن ومال = افخربسمعه من يسدالتزامه
تقصرمراسيلي عن اللاش وانذال = اللي على خده وسام الرخامه
تجري بي الايام بقفاي واقبال = واللي جهل فيهايسددغرامه
ان اقبلت ياحلو هاك التبهلال = وان ادبرت بحرن قوي التطامه
تضبح ثعالبهاعلى قمه جبال = والذيب دس الرأس مثل النعامه
عزت ذليل ماسوى قرش وريال = وذلت عزيزن يستحق الوسامه
دنياهيال بين راحل ونزال = يومن فرح واليوم الاخرندامه
فيهاالرجال اصناف وانواع واشكال = ولهافروعن باقيه وانقسامه
احدن طلب ربه ولاهمه ازوال = هذاك عاش بلذتن وابتسامه
اللي بعرفه وازنن كل مكيال = يصبح عشاه ولقمته من حزامه
واحدن يعيش العمرفي خوف واذلال = ويأخذ حياته من فروخ الحمامه
ماقلط الطرقي ولابهردلال = راحت همومه في غسيل العمامه
واحدن على العربان كاذب ومحتال = على النفاق اليوم شرع خيامه
اللي يشوفه قال ذاطيب الفال = عقرب ثرى ماينعرف من كلامه
واحدن تشوفه كشخه شماغ وعقال = وعطاه ربي من حقوق الجسامه
وليافتشت العقل تلقى به حثال = خبل حياته مرتضيها غشامه
لاتأمن الدنيا ترى الوقت ختال = بكره يصحي نايمن من منامه
وختامها صلوا على سيد دال = أمته درب الحق والاستقامه [/poem]
ــــــــــــــــــــــــــــــــــــــــــــــــــ ـــــــــــــــــــــــــــــــ

رد سعود بن حادي

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قم يا نديبي شغل الجمس بالحال = جمس ٍ حروفه في محياه شامه
تصميم قشران النوايا والأعمال = صنع ٍ جمع ثنتين عزم وفخامه
حصان فارس ما يبي كود خيّال = المرتبه سرجه وجوّد خطامه
وأنحربه اللي للطواريق فتّال = زحلن تعلى المجد وأدرك سنامه
ملفاك قرمن للثقيلات حمال = معربن خاله شيوخن عمامه
مركاضهم من فعلهم يشبع أجوال = يومن كلن باع عمره وسامه
حفاه وردوا بالضماء عدن زلال = وبانوا نهارن تغتشيه العتامه
راحت سيوف الهند ورماحن طوال = من الدمي حمرن خلطها دهامه
وقعت طلال وعقبها وقعت الضال = وعشرين ماقف راوياتن سهامه
منهم كريم الكف يفعل إليا قال = عز الخوي زبن الرجال المظامه
ذربن فتح بابه طبيعة ومنوال = تكريم ضيف وطيب فعل وشهامه
أقلط على تمرن حساوي وفنجال = ثم طيب عود وخمس حولن كرامه
وعطه الجواب وخلها طلقة عقال = وتعال هات إلي العلوم وسلامه
يا ناصر الرقاص جا منك مرسال = خطن نشد عن وقتنا وش علامه
وقتن تغير وأكثرة فيه الأهوال = وكلن تصدر وأدعى بالفهامه
صارت موازينه عواكيس وأبدال = كثرة صواديفه وبدل نظامه
يحتار منه اللي يفكر ويهتال = الأمر وين وين ضيّع زمامه
أحدن عشق وقت الرخا برد وظلال = ما جاب من ضرب اليماني طعامه
وأحدن عشق ندى جبينه إليا سال = عزيز نفس وعزه الله وأدامه
رجلن يلاوعه الدهر وأشهب اللال = من الشموس أطغت عليه السحامه
وأحدن زبون الهرج للهرج نقال = عساه يبلا بالصمم والطرامه
وأحدن موجهن يجذبه كل موال = مع كل شخصن يدعي بأنظمامه
وأحدن على يمنى رفيقه إليا مال = رفيق عز ولا يخلي مهامه
وكل ٍ يميز دام للفكر مدخال = الوقت ما غر الفطين ازدحامه
ومهما حصل ما يستوي عز وإذلال = لو أتركت ظهر الذلول المسامه
والذيب ما أنجى صيدته بعد الاميال = ليلن سراه الذيب يوحش ظلامه
وتغيير واقعنا ترى صعب ومحال = ومهما فعلنا ما وصلنا تمامه
والشعر ديوان العرب خير منهال = بحرن مهب من جاب بيتين عامه
وذكر الولي أخير من كل الأقوال = رب ٍ شرع شرعه وبيّن حرامه [/poem]

وسلامتكم