قصيدة غزليه

[؛؛ابو ريناد؛؛]

تدري وش اللي يتعب البنت يسعود..؟
رجـلٍ يخـون اشواقهـا و الـمـودة
إللي إلا احتـاج الغـلا صـار نمـرود
وإلـى شبـع ممـا عطـاه إسـتـرده
البنت ريحانة غـلا.. ناعمـة عـود
تبـي لهـا رجـلٍ ورث طيـب جـده
رجلٍ فعولـة كلهـا جـود فـي جـود
مـا يلتفــت للـي كفـوفـه تمـدة!
رجـلٍ إلا جتـه الليـالـي بمنـقـود
يتكـى لهـا مـا بيـح الوقـت سـده
مهوب خبلٍ ما رعى للهوى عهود
وادنـاة مـا عـارض طريقـه يـرده
ولاهوب لاعلـة . ولاهـوب ملهـود
ولا شكـوك ... و كـلٍ طـارئٍ يحـده
ما اشين من الرجـال لا جـاك ببـرود
وإن قال له تـرف القـدم شـي صـده
تبـي لهـا بـراق طيـبٍ لـه رعـود
إن اجدبت يمطـر علـى ريـف خـده
وإن نادته تكفـى لقـت عنـده الفـود
يشيـل عزتهـا علـى قــو زنــده
كفه نفل وانفاس صدره لهـا عـود
وظلالـه الضـافـي بيـدهـا تـمـده
البنت خد ... وقد ... ونواظـرٍ سـود
وريحة غلاً ... ياسعد مـن شـم نـده
البنت إلا ضحكـت ثمرهـا لـك ورود
يا سعـد مـن يقطـف نواويـر وردة
واللي يهين البنت ناقص ومقـرود
مهرة غـلا ... ماهـي حمـارة مكـدة
وانـا عشيـري فيـه زودٍ علـى زود
فديـت خصـره لنهصـر ثـم شــده
مياسـةٍ مـا حـازهـا زول ممـلـود
تشكـي هـواي لقلبهـا ... والمخـدة
وتمد لي مـن طـارف الكـرم عنقـود
بكـفٍ اذوب مـن الولـه يـوم اشـده
وتصفى ليال العمـر والعمـر مطـرود
واشرب غدير شفاه طيـب و مـودة
من يوم هاواني وانـا فيـه محسـود
والمشكلـة مـحـدٍ يـسـد بمـسـده
ضافي جديله فـوق الامتـان مرجـود
المسـك يقطـر مـن حوايـف مكـده
ورمانه الغضـة غـرض كـل مكمـود
يهتـز غصـن الشـوق لاهـز قــده
يا ويل قلبـي والعـذارى لهـن مـود
فيهـن مـن الإحسـاس مأحـدٍ يعـده
غضات جسم ولالهـن بالبهـى حـدود
بحـر المشاعـر بيـن جـزره ومـده

::
::
عبدالكريـم المهنـا ,, زيـد رومـا ,,
منقول