** عدت بعد طول غياب .. بقصيدة ** فخر القصيد ...**

[ريوف هذيل]

[poem=font="Times New Roman,6,white,normal,normal" bkcolor="transparent" bkimage="backgrounds/9.gif" border="double,1,white" type=1 line=0 align=center use=ex num="0,black"]
ألا يانزف بوحي من مزونـي=وألا يارجف قلبي مـن ونينـه
وألا يادمع غرق لـي جفونـي=ولا ياصوت عجّـز سامعينـه
قوافي الشعر يا قمـة جنونـي=عشق ابدوي ٍ علته في حنينـه
سنايدي لا من نختني متونـي=عزاويه ليـا جـات الغبينـه
عقال الراس لا ربعي نخونـي=جمايـل والجمايـل مستبينـه
اجمّـل بـه قـرومٍ علمونـي=ليا من جات حـزات ٍ متينـه
افك العاني لو توخـذ عيونـي=عيـونٍ مـا تجملنـي لعينـه
اعد القاف لوهـم عذربونـي=عذاريبٍ تزيد الـروض لينـه
حيارى والحيارى يحسبونـي=قصيرة يد ما اعرف السمينـه
ريوف هذيل ربعـي لقبونـي=صليبة راس مانـي مستكينـه
اشق صفوف لو الموت دونـي=اغربلهم وازيد الطيـن طينـه
تجرعت التحدي ولا حدونـي=مصدرين الحقـد وموردينـه
بنت ٍ ولكن المراجـل فنونـي=سقانيهـا ابويـه مـن يمينـه
فعايـل والفعايـل جملـونـي=مع اهل الطيب رواد الثمينـه
ابكتب دام ها الهاجوس كونـي=أبكتب دامني في كونه سجينـه [/poem]


[align=center]

«®°·.¸.•°°·.¸¸.•°°·.¸.•°®»وسلامتكم«®°·.¸.•°°·.¸¸.• °°·.¸.•°®»

[/align]