آلـشقـــــــآوِي ..!

[سلمان النفيعي]

.



مسيتوٍآ بـ / آلخيـرٍ


بعد غيـآب .. لكم هذهـ المتوٍآضعـة ,, لعلهآ ترِد ديّـن آلغيآب ،،







[poem=font="Simplified Arabic,5,crimson,normal,normal" bkcolor="burlywood" bkimage="" border="double,3,gray" type=0 line=0 align=center use=ex num="0,black"]
صابني جرح ٍ ك طيرن من بعد سبقه جريح = من قراح الجرح الاول صادر اليوم متروّي
في ضميري شب نارِ دلتي فيها تفيح = ضاقت ارضي من عنايه ضاق في هالبال جوّي
كل دربِ كنت اجيله كان لي رحب فسيح = في رواحي صار غربة يبتدي منها غدوّي
صوتي الي يرقص الورقا تغير للبحيح = من بعد هاك الطرب والحان كانت بي تدوّي
من تبلوى في حياته بدّل الدوحه ضريح = وش يزيل الهم عنه هالشقاوي وش يسوّي !!؟
لاشكيت الحال لاحدن .. لاعيوني ماتصيح = ولاسكبت الدمعه الي داخل اعماقي تكوّي
والسلامه وين احصل هالسلامه ماتليح = كود برقِ خال مايلطف ويسقيني بـ نوّي
لعنبوا حظ الردي قايم ولاظني يطيح = والكرام اهل الشهامة عاثر ٍ فيهم يهوّي
خابر الدنيا تجيلك يوم ذابح او ذبيح = وياتكون انت الدخيل وياتكون انت المضوّي
وسد باب ٍ هو يضرك يجلب الغمه وريح = قبل تلدغ في مكانك قلت انا لوي ولوّي
ولاهجع غربالي الي لاستراح ولايريح = كل ماغفى هم جاني غم زوّد لي جثوّي
من ليالي الصمت بيّـح خافقي صوت الفحيح = يعْوي الذيب بحطامي ساهر ٍ ليله يعوّي
واتشبعـت سود الليالي طعن في جسم ٍ طريح = كل ماترحل جروح يفز جرح يقول توّي
مايطيب البال لله كود في وقتِ شحيح = يوم اسآمر قمرتي واهيم في ساعة دجوّي
اطلب المولى لوحدهـ (لاعزير) ولامسيح = يفرج لعين الشقاوي يستهل بها الغفوّي
صابر ورغم المواجع مايونسني مديح = ليت مايهنا عذولي لا ولايفرح عدوّي
والحقيقة ياهجوسي مايصح الا الصحيح =كل ماتبرد عزومي قمت انا شبيت ضوّي [/poem]




وٍسلمتـــوٍآ




ٍ