لضيف كيـف ولرياجيـل ميقـاف
ولاشعلتـن تقبـس بلـيـا زنـدهـا
وللحكـم حكامـه ولنـاس عـراف
ناسن يجـدي رايهـا مـن نشدهـا
وللفوز طعمـه والمخاسيـر تنعـاف
وراع الخساره بينـن لـو جحدهـا
والعـز للـي بالمواقيـف ينشـاف
رجلن محاصيل المراجـل حصدهـا
فالبـل ولا الخيـل تلقالـه اهـداف
ونفسه على درب المراجـل جهدهـا
رجلن على الجزله تبع درب الاسلاف
لو هي على حياض المنايـا وردهـا
من بعد ماضني على المدح هـداف
حقـن علـي اخطهـا واعتمـدهـا
ماشوقوني بطرد مرمـي الاكتـاف
ولا هيضتني طيورهم فـي هددهـا
ماهيضتني كـود زرقـا وميـلاف
زرقن يـدوس الفـوز حفـار يدهـا
اليا هذبت قـدام والباقـي اخـلاف
كـن السبـاق مشاركتبـه وحدهـا
من عافها ماشاف من شاف ماعـاف
وراع النظـر معـاد ينظـر بعدهـا
اصيلتـن ماهجنـوهـا بـالاريـاف
ولا سرج اهل درعا توسق جسدهـا
زرقن تلاعب بالرسن كـل عسـاف
لو مفليـه بالحـرب تنسـا ولدهـا
اليا هذبت معـاد تنـوي بالانكـاف
كنها طليبـت مـوت تبغـى لحدهـا
من خيرة السبق حسينات الاوصـاف
الـي فعايلـهـا تـعـزز بلـدهـا
منقوول
| 
|
01-05-2006, 01:16 PM
المواضيع المتشابهه
العرض الشجري