اعتبيـه الهيـلا تواريخهـا كــاش

[نوف]

البارحة يـوم العـرب رقـدو طـاش
فكر(ن) ينومس كل طرقـه طرشهـا
وأخذت مع فكري سواليـف وإنقـاش
حتى حضر هاجـوس نفسـي نعشهـا
ثم قلت وجها لرجل(ن) معـي عـاش
ايـام حلـوه يشتهيهـا مـن اشـهـا
رزيق راع الطيـب للطيـب حـواش
كريـم سبـلا صرتـه مـا حفشـهـا
عاقـل ،فهيـم لعلـة القلـب خفـاش
ببيوتـه الـي وارده مـا عرشـهـا
ابن الرجال الي لهم عطـف ودبـاش
محد(ن)هقى ابها غير لا مـج نعشهـا
وأبا اشتكي للذيب ماشكى علـى لاش
من غرو لا نشفت جروحـي قرشهـا
قد قلت انا عن عشرتـه لازم انحـاش
لـكـن قلـبـي قــال بالله نشـهـا
اما تطفـي نـار خـدراة الارمـاش
وإلا تحصـل نشـوة ايـام عشـهـا
لا ماتعضت بسيرة اكبود(ن)اعطـاش
في حبهـا يلحـق عطشهـا عطشهـا
ولا شفت بعيوني شبـك فيـه كمـاش
وطيتـه برجلـي وروحـي كمشهـا
ولا فدت من كثر المساري والاغبـاش
ياكود عشـره عـاش عقلـي دوشهـا
وبعض الضباء وصايفه ترعش ارعاش
واذا لقـى فالنـاس فرصـه بطشهـا
عز الله اني بعت انا الـروح ببـلاش
في سوق من روحـي بعينـه نهشهـا
وعزالله اني من رجـال ليـا طـاش
رجالهـم سـود الجبـال افترشـهـا
اعتبيـه الهيـلا تواريخهـا كــاش
وذوي زيـاد الـي خسـر مهتوشهـا
لكن حضـي مبلش(ن)قلبـي ابـلاش
والقلب الاخضر زاد روحـي بلشهـا
ولو يزعل الشاهي من الجمر لا غاش
تـرى الضباءالصيـاد حبـه خرشهـا
والخاتمـه ياذيـب انعشنـي انعـاش
ببيوتـك الـي فـن مخـك نقشـهـا


ابن جدعان

منقوله