لعيون ساره

[حصة العتيبية]

[poem=font="Simplified Arabic,6,orange,bold,normal" bkcolor="darkred" bkimage="" border="none,4,gray" type=2 line=1 align=center use=ex num="0,black"]

القوافي كلها لعيون ساره=جت تسوق احشودها مثل المخايل
الترف من فوقها يسدل ستاره=ومن تحتها يفرش ورود وخمايل
عين منهي دربوها للصقاره=وقرنسوها للمكاسيب الجلايل
وخصر مهر(ن) عسفوه لكل غاره=وعنق ظبي(ن) مستذير من الحبايل
وبنت شيخ(ن) لا وعد واصدر قراره=ما يزعزع بالفعول ولا يحايل
المراجل حازها والكار كاره=والشجاعه طبع ميزان الثقايل
ولا يفرق بين يمناه ويساره=من كثر ما مد مدّاد الجزايل
رابح(ن) ما يشري الهزل الخساره=ونادر(ن) ما يرتضي كود والأصايل
وإن ثنيت القاف للجد ومساره=قام يرجف يوم هي جات الصمايل
واعتذر لي واعتذرت من اعتذاره=خفت ما اوفي الشيخ غازي بالمثايل
ويش ابا امدح فيه شباب المناره=الشهامه والكرم والا الجمايل
من زحول العون من روس النعاره=والصداره مالها عنده بدايل
وفاتح(ن) بابه بليله مع نهاره=بين هيل وحيل وعلوم ومسايل
وكم دخيل(ن) طاح في حضنه واجاره=وارتكاله لين جاه اللي يخايل
ومن نظر سيماه يغضي من وقاره=في جبينه من سجوده له دلايل
وآخرتها سامحي ياعين ساره=قدرك أكبر من قوافي القلايل
والختام لسيّدي رمز الطهاره=الصلاة اعداد هتّان الهمايل[/poem]