لاياصغير الذات والله عن فعولك مادريت

[رغدالشيباني]

[poem=font="Simplified Arabic,6,black,bold,normal" bkcolor="transparent" bkimage="backgrounds/46.gif" border="none,4,gray" type=1 line=0 align=center use=ex num="0,black"]
لاياصغير الذات والله عن فعولك مادريت=جات السفينه عاكسه للريح يومنــه جرى
غلطة زمانك وأنت تستاهل مدام إنك بديت=وداريٍ درى وداريٍ على عهد الدرايه مادرى
أنا على درب الشرف والعز مع أهلي مشيت=ياهافي الجـدّان جرح الضيم توه مابرى
أنا لأصناف النذاله والخمايل ما ارتخيت=والا أنت سلعه كاسده فـالبيع والا المشترى
هذي الصراحه وأنت اللي على نفسك جنيت=والذيب لامنه عوى لاجاه مطلوبه سرى
رغم الجروح ورغم كل النزف ماوالله بكيت=والوقت ماعمره وقف بالشده ولايوم احترى
واليا بغيت أشكي همومي للقصايد أستحيت= الهم ماله غير معنى واحد(ن) به يذّكرى
الهم كله يوم أشوفك في طريقي أنثنيت= جتك الأشاره واللبيبُ بالأشاره فسّرى
يامال فرقا العين قلي الحين ويش اللي بغيت=تلوع كبدي اليا ذكرك إنسان أو طيفك طرى
معناي ليتك فاهمٍ بعضٍ من اللي قد حكيت=أنته ترى بعينك وعين فكرك ماترى
أنته ولاتسوى ربع ماطاي لو أنك حفيت=تبي تخفف من لهيب الشمس أقعد فالذرى
ياهيه ماعمري على ركن الحرايب ارتكيت=أنا ثريا شامخه ولا أنت يالواطي ثرى
والحين بعد اللي قريته سو كنك ماقريت=تبقى صغير الذات لوتكبر ولو مهما جرى[/poem]



[align=center]
رغـــــد الشيباني في لحظة غضــب [/align]