زعيم الوسامه

[ابن مسلم]

[align=center]بسم الله الرحمن الرحيم


إليكم هذه المتواضعه لعلها تلاقي بعض إستحسانكم

وأعذروني [/align]

[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يامنير ماعينت لي راعي الجيب= اللي غطى كل المواتر عسامه

ينزل به السواق من ضلع لشعيب= ومعيمنه يجلس ظبي العدامه
عين أشقر ُ لاأهوى عطيب المضاريب= والخدبراقٍ كشف في غمامه
عرض علي يامنير سيد الرعابيب= وطار الهوى عن خدها باللثامه
وأخذت لي ساعه وانا أفيق وأغيب= والجسم عيت لاتقله إعظامه
وركضت خلفه ركض من ضيع ذهيب= راعي وخايف يضربونه عمامه
تالي عشي والشمس ياقربها إتغيب= والليل منّه قام يدني ظلامه
أقل مابيجيه قضب التلابيب= لعيون ملحاً من خيار الجهامه
مجرد مثل قربت للوصف تقريب= لشيٍ حصل ماأظن فيها ملامه
للي على الفكسار غرب بتجنيب= من روضة التنهاه صوب اليمامه
مدري من الأجناب والا الأصاحيب= بس الوكاد إنه زعيم الوسامه
ولاأدري متى جرحي من أسبابه يطيب= لامكسبٍ نلته ولامن سلامه[/poem]

[align=center] وسلامتكم[/align]