يالله عسى ذنبك يابو بدر مدموح

[فـايـزالـعـبري]

[align=center][align=center]
أخـواني اضع بين ايديكم هذه الابيات المتواضعه ...
وهي في وفاة شاعر له بين قلوب الناس محبه وتقدير وله في النظم وفي
ساحات المحاوره بصمات لاتمحى وستضل في قلوب عشاق الشعر مابقي الـشعر
مهما كــتبت لن أوفي الشاعر العلم : فـيصل الرياحي ( رحمه الله ) حـقه
وأتمنى أن تنال رضاكم ..

[poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
القلب من بين المعاليق مجروح = والجفن من كثر البكى ماستراحي
والضيق سم الحال ثم عذب الروح = كله سبايب موتتك يالرياحي
ماغير اجر الصوت واردفه بالنوح = عل وعسى يقدر يضمد جراحي
حتى غدى صوتي من الحزن مبحوح = وانا ادري انه ماوراه ارتياحي
لاكن اداري ضيقة الصدر بالبوح = بيني وبين الضيق قصة كفاحي
انت الاديب اللي بنا مجد وصروح = عملاق ثابت من جميع النواحي
يشهد لك القرطاس والحبر والوح =ويشهد لك الشعر الاصيل المباحي
وتشهد لك الشعار والباب مفتوح = كلن بيشهد لك ياطير الفلاحي
والملعبه تغلي من الحزن وتفوح = وتجاوب العبره بجر النياحي
يالله عسى ذنبك يابو بدر مدموح = يابن الكرام مخضبين الرماحي
جعلك بدار الخلد يامبعد الشوح = في جنة الفردوس شربك قراحي
اقولها والدمع بالخد مسفوح = من قلب صادق داعين بالصلاحي[/poem]



[/align][/align]