ياولـد عمـي هـذا قافـي تهجـه

[ناصر الحافي]

[align=center][mark=336699]قصيدة فكاهية من أختياري أتمنى تلاقي إستحسانكم[/mark]


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
موتـري لامنـه بخـطـه تـوٌجـه=يضحك اللي ينطحه عنـد المواجـه
مايـلاً ممشـاه وجنوطـه تـرجـه=كن شاصـه لحـم وفيـه انعواجـه
جيبـاً أقشـر كلبـو دربـاً يسجـه=مار مايلحق علـى عزمـه دجاجـه
من ركب وسطه بطبلونـه يصجـه=يصوي الطبلون لو من دون حاجـه
كنٌه المضروس وضروسـه تلجـه=مانفـع قلعـه ولاينـفـع عـلاجـه
فالشـوارع مايخلـي بيـض عجـه=وأن مشى فوق الزفلت اظهر عجاجه
الاديتـر مـاه مـن حـره يبـجـه=والزيـوت إلهـا تهاريبـاً بصاجـه
ورطونـي بـه شراطيـه ولـجـه=والمحـرج جمـع العالـم حراجـه
يمدحه راعيه ثـم صدقـت هرجـه=قال انا شاريه مـن واحـد خواجـه
الضمان مسفطاً في وسـط درجـه=عجـل أشتـر لاتخليهـا سمـاجـه
أشتريتـه ناويـاً حاجـه وحـجـه=مادريـت أنـه مخسرنـي خراجـه
المكاسـب مالقيـت إلهـا تـوجـه=أطلـب الله بالعـوض والإنفراجـه
ياولـد عمـي هـذا قافـي تهجـه=وأشتر الموتر وشيك فـي قراجـه[/poem]

شعر : ناصر بن محمد الحافي






.[/align]