المجلس اللي فيه نمه وغيبه .. ماجمله راعيه لو بخره طيب

[صاحبة السموـو]

ســـــــلامــ...



البارحـه مبـداي راس الجذيبـه



........من حرتي عديت روس المراقيـب



احرص على الطاله ولو هي تعيبه



........طبع ورثته من زبون الاصاعيـب



من راس عود له مع الناس هيبـه



........فخري وعزي عزوتي منقع الطيب



ياكم طليب خلصـه مـن طليبـه



........بالفعل يشهد له قرايـب واجانيـب



ولي الفخر لاقلت ربعـي عتيبـه



........اهل الشدايد مكثريـن التراحيـب



لكن جروحي فالحشـا مستصيبـه



........عندي دواهـا ماتفيـد الاطابيـب



عديت فالنايـف وحالـي صعيبـه



........هب البراد وكن جوفـي لواهيـب



اقنـب كمـا ذيـب تزايـد قنيبـه



........من حرته خلا ضلوعه محاطيـب



جاوبت انا السرحان ماجاب اجيبه



........لج الرجوم ولجلجـن المحاديـب



ابديت ماكنيـت مـن دون ريبـه



........ياذيب جنب واترك الرجم ياذيـب



ما انته بذيب الرجم لاجاك شيبـه



........اقول حول حال من دونه الشيـب



قبلك عصير اليـوم قبـل المغيبـه



........طيرت من عاليه عكف المخاليـب



خلـه لمصعـوك تزايـد لهيـبـه



........يبـى يفـرج ضيقتـه بالهناديـب



انا زبون الجـرح وانـا طبيبيـه



........ماني بمن يشكي على كل رعبيـب



صادفت بالدنيـا مواقـف مريبـه



........وانا صغير ولا خمط راسي الشيب



شفت الهوايل والعبـر والمصيبـه



........ناس تبـدل سلمهـا والمواجيـب



راع المصالح جعل بقعى تصيبـه



........ويالله عسى درب يوديه مايجيـب



اليا انتهى الازم تناسـى صحيبـه



........قلب عليه ولا لقى منـه ترحيـب



ناس تعرف العيـب لكـن تجيبـه



........ماهو جهل الا عَمد داسو العيـب



والمجلس اللي فيـه نمـة وغيبـه



........ماجمله راعيه لـو بخـره طيـب



لاصار مايشري من الطيب طيبـه



........مبني على النمه ولـم العذاريـب



مالي وماله والعرب وش تبي بـه



........اشوم عن داره وغيـره معازيـب



من شاف عيب الناس ماشاف عيبه



........واول عيوبه يوم شذب العراقيـب



هـذاك ماينفـع وهـذا ياطيـبـه



........واخذوا على طيب الرياجيل ترتيب



قال المثل يا اهل العقـول اللبيبـه



........حكمه وسطرها بوسـط المكاتيـب



الكلمه اللـي فالحشـا مستريبـه



........عليك تبديها ومـا جابـت تجيـب



واقولها فالوجـه ماهيـب غيبـه



........ليتك تخل الطيب ياموزع الطيـب
للــــشـــاعـــــر....\\\