الهموم المدالي والعزوم العوالي!

[حصة العتيبية]

[poem=font="Simplified Arabic,5,orange,bold,normal" bkcolor="darkred" bkimage="" border="none,4,gray" type=2 line=1 align=center use=ex num="0,black"]
الهموم المدالي .. والعزوم العوالي=والدروب الشدايد .. عاقبني عقوبه
كل ما قلت زانت .. واسمهليت شانت=وشب قلبي وقايد .. واسهرني نحوبه
والله إني جزوعي .. من حرايب ربوعي=مير عندي ضمايد .. للجروح العطوبه
شمت عن كل زله .. وكل حي بحمله=واعتليت السنايد .. ماكر(ن) ما وطوبه
ما نحب الحسايف .. كيف والا نكايف=ومن سعى بالضدايد .. ننطحه ما نهوبه
كم عدو(ن) حربنا .. ثم رحل ما قربنا=يوم جات الهدايد .. ما يبي غير ثوبه
واهني الرخاوي .. ما دهته البلاوي=عايش(ن) في رغايد .. والترف ذاق ذوبه
ضاحك(ن) له زمانه .. في خفاه وبيانه=وكل ما هب نايد .. بالسعد مال صوبه
هيه وا حر قلبي .. كل حي(ن)لعبّي=وقاطعين الوعايد .. حكيهم كذبوبه
يا عرب ويش اسوي .. كل ما لاح نوي=زلزلنّي رعايد .. مرسله لي عقوبه
لا قريب(ن) يهلي .. ولا صديق(ن) يسلي=وضاع عمري بدايد .. يالله اكشف كروبه
واكتب إلي السعاده .. بالتُقى والعباده=يا جزيل المدايد .. وامح ذنبي بتوبه
ويوم ألاقيك كن لي .. يالعظيم الأجلّي=بمنزل(ن) ليس بايد .. بالجنان الرحوبه[/poem]