هـآم للجـميع ../ عندك فلوس زايدة تبا تصوتبها عطنيها احطها في ذبيحة للثلاجة ( كـلآم مقتبـس ) ..

[.. شِيخَ إلِمرِآجّ ـلُ ~]

[align=center]السلام عليكم ورحمة الله وبركاته


أخـوآني الأعضـآء ..


من خلآل تجـول في أحـد مـواقع عتيبـه الأخرى


لقيـت مـوضوع في الحقيقـه أعجبنـي جـداً


مـوضوع هـآدف ومقـوله سليم ـه ،،


المـوضوع أقتبستـه لكـم كـآمل لا ينقصـه حـرف !!


وكـآن عنـوانه


..( عندك فلوس زايدة تبا تصوتبها عطنيها احطها في ذبيحة للثلاجة )..

الله يمسيكم بالخير تسيف حالكم وش لونكم ووش لون وراعاتكم والبديدة كلها عساكم طيبين تطويل العلوم مالها لزوم انتم خابرين شاعر المليون وغيره الي وراه ظهر يدفع دراهم هو الفايز والسنتين الي راحت شركة كيوتل القطرية ماتقصر ترش شاطئ الراحة ولا المفتاحة بالرسايل رش للمتسابقين الي من دولتها وشركة اتصالاتنا طيبها علانا مره فاصلين الجوال ومرة مرجعينه ومره فاصلين النت ومرة بطي وبرابسها واجد وحنا نصوت والفايدة للنشوى الرويني والاتصالات السعودية واخرتها يطلع بها قطري راشته شركة كيوتل بالرسايل رش هالحين كلها والسفاير فالكم ان كان في شركة الاتصالات السعودية طيب وخير تحط راسها براس شركة كيوتل القطرية وترش المتسابقين السعوديين بالرسايل وخلونا نشوف من اطيب من الثاني كيوتل القطرية ولا الاتصالات السعودية عنما حنا يالمواطنين وش دخلنا في السالفة مرة الاسهم داقتنا ومرة التصويت داقنا ومرة اسعار المواد الغذائية داقتنا كلها على رويساتنا يالمواطنين وحنا كل واحد ماسكن جواله يصوت علشان يفوز شاعر يترزز عند روضة وطقة روضة وهو والله مادر عن الي صوت زبدة الكلام التصويت في هالمسابقات من تخصص الاتصالات السعودية مثل ماهوب من تخصص شركة كيوتل القطرية حنا يالي على باب الله برا الموضوع كله والي يشوف نفسه عنده فلوس زايدة ويبا يصوت لشاعر ماجاب خبره ولاهوب قايل حتى جزاك الله خير يعطيني قيمة الدراهم الي يبا يصوتبها بحطه في ذبيحة للثلاجة واقوله جزاك الله خير وفوقها حبة على خشمه

فـ عندم أتبـع ـت الـردود وجدت نصفهـآ تافهه وحقيـره على هـذا الرجّل


وهـذا بعض منهـآ :-

عكاشه استاجراستراحه واعزمنا ونقطلك حق التلاجه

الـرجل بـدل مـآ يستـآجر إستـرآحه حقهـآ تنفـعه بكـره لعيـآله :)

لكـن تفهـآتك تحدك علـى الرد ذا ،،

عكاس وانا اخوك والله ما ينفع لو تكلم إلى بكره الناس طايشه ودراهمها واجد واضواء مسرح الراحة مغرية وانت وانا اخوك وبدون زعل طماع (ذبيحه) مره وحده عليك بكرتون دجاج الوطنية بتسعين ريال مثل بقية الشعب

ذابحـك الفقيـه أنـت وتبـي تسويلـه أعلان الرجل مـآ طمـع

الـرجل صـآدق وبـ دراهم التصـويت بمكـآنه يشتـري كل يومين ذبيـح ـه :)


كلمـة أوجههـآ من هنـآ لاصـآحب المـوضوع وأتمنـى أنه يراهـآ "

تستــآهل الشحـم يا عكـآش وبيـض الله وجهـكَ

فعلـن كلآمـك من ذهـب فـ صح الله لسـآنك وسلـم الله يمينـك ..


[S]أخيـراً[/S]


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من حط نفسه بموقف ما ينا سبلـه=يصبر على كل ماطالـه ويرضابـه
لو إن كبده من اللي صار مندبله =لكن من طيب ساسه ماسك أعصابه
تحمل الوضع من طيبه ومـن نبلـه=وخلى قليل المعرفه يفتـل اشنابـه
أنا ادري أنه جهول وقاصر ٍ شبلـه=لاعودت للحجج والـرأي ومجابـه
لكن غلطـة عمـر تكفيـه وتهبلـه=عن غيرها كان لـه عقـل يتقدابـه [/poem]


أرائكـم تهمنـي


دمتـم بّـود ..؛[/align]