ناسٍ تبا العز واصبح عزها غادي ‏

[ثعلي]

هذه قصيدة لشاعر / نشار بن مرزوق السكيك وقالها عندما انتشرت قبل سنوات بناء بيوت الشعر داخل المنازل :
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
اشتقت يابو محمد والقمر بادي = والجو هادي ولاتنبغ معاصيره
يازين بيت الشعر في جاضع الوادي = وان جا المطر ولعو فيه وسطه النيره
وقلط ادلالٍ من الرسلان وجدادي= وان غلقت وحده خمسهٍ مباهيره
والضيف يلقا السعه في بيت الامجادي = ماهوب هتلن يعلق في مواصيره
ناسٍ تبا العز واصبح عزها غادي = يبنون بيت الشعر في داخل الديره
حطه بحوشه وصك الحوش من غادي = عز الله انه بناه وصار له عيره
مايقدر البيت غير عيال الاجوادي = اللي ترحب بضيفه مع مساييره ‏
يصلح لقرم يشب النار وينادي = ويعلق الحيل في عالي شناكيره ‏
وان جت ليال الشتا وايام الابرادي = البوش تمرح على جمبه مصاغيره
واليوم وقتٍ تغير واخلف القادي = وقت تغير وغير في تعابيره ‏

[/poet]