الرفــيق الحق بالمــوقف يبيــــن

[ظاري]

السلام عليكم ورحمة الله وبركاته





أول مشاركه لي في هذا الصرح الشامخ ....


قصيدة مرتجله خاصه ...




[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الوفا ثم الوفا ثم الوفا=
دوك ياناصر وعطها مصطفى=
ثلاثة حروف ٍ بها داء وشفا=
فكر بقولي وعطني ماترى=
فكر اليا منك لربعك وفيت=
لاحدن اخطا عليك ولاخطيت=
عزك وعونك الامنك شكيت=
فكر بقولي وعطني ماترى=
الرفاقه ماهي مسمى رفيق=
ودها ياذيب بالحر الطليق=
المسمى شي والمعنى عميق=
فكر بقولي وعطني ماترى =
قد لمحت الليل لامنه سرى=
ثم قفته الشمس تمشي من ورى=
والقمر صار الضحيه مادرى=
فكر بقولي وعطني ماترى=
انتبه من صاحبك ثم انتبه=
لا تخللي له سواد ٍ يكتبه=
هده بطيب النوايا واحسبه=
فكر بقولي وعطني ماترى=
الرفيق الحق بالموقف يبين=
ما تغيّر رايه بحين ٍ وحين=
فالرخا وافي وفالشده يمين=
فكر بقولي وعطني ماترى=
هذي حروفي وخذ مني سلام=
ريحه العود وتواليه الختام=
والمصلي تابع لدرب الامام=
فكر بقولي وبيّن ماترى=[/poem]




وسلامتكم