الوسم طااااااااااح

[مناحي الفرزه]

[poem=font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,white" type=0 line=0 align=center use=ex num="0,black"]
الوسم طاح ومنه نبت العـذاء فـاح = وريح الخزامى بالنسانيـس فاحـي
منه النفل مثل الشمطري بالاسيـاح = قامـت تسوقـه لي هبـوب الرياحـي
قالوا زهوره بالخلا جالهـا ضـاح = والوبل فوقه بالمسـاء والصباحـي
في نجد جاء للوسم مسراء ومسراح = سيله تحدر من جميع المنـــــــاحي
ماحلاك يانبت الزبيدي (بالاسيـاح) =من شوفتك تسلى طيـور الفلاحـي
واحمس صدري قدم خطاف الارواح =يوم الثرى والنبـت ريحـه يتاحـي
الوسم طاح وغايتـي كـل ماطـاح = شمشول ذودن مبتنيـه الصلاحـي
ذودن مغاتيرن مع الصوت طفـاح = يرقابها صـم الجبـال الصياحـي
ننزلبها فـي كـل خايـع ومقـراح = شفي قراح وماء الخبـاري قراحـي
الضيق عن صدري يولي وينـزاح = وامد رجلي عقب مالضيـق زاحـي
مغير اقلـب بالهواجيـس مسبـاح = واهـد قافـي فالمجـي والمراحـي[/poem]