مرثيه للشاعر / ضيف الله بن سعود المرشدي

[البارز]

[align=center]هذه القصيده رثاء للشاعر ضيف الله بن سعود المرشدي يرثي فيها والده الشيخ سعود بن عبدالرحمن المرشدي (رحمه الله واسكنه فسيح جناته)[/align]
[align=center]تريحن ياالهجن مابه مطاريـــــش @@ من عقب من كاس المراجل شربها

ســـــعود يشــهدله تعابا هتـاتــيــــش @@ مذكورة(ن) للـراوي اللـي نسبها

ملفاً لمـن ضاقت بــه العسر للعــيش @@ ودخيلته في الجمش خلص نشبها

ماكان يمشــي بالردى والتشاويــــش @@ ولا جــمع الزلات لجــل يـعتــبها

ياعنك ماهو منبش الهــرج تنبـــيـــش @@ ولا زاد في نـار الفتـاين لهبــها

ماعـــاش لجل يجمع الــمال تحويــش @@ كم من امور(ن) حل عقدة كربها

يابوي يفدونك خدوش (ن) خفافـــيش @@ مجالسك راعي الدنس ماقربها

جعل المزون اللي ترازم مرايــــــــيـش @@ مـن بعـد مــاربي لقــبرك جلبها

تســعيـــن لــيله ماتـــمل الرشــاريـــش @@ تـلفي عليـك الناس تملي قربها

تفــرح بها نفس (ن) غشتها تبالـــيش @@ رحمه من اللي رحمته ماحجبها

عســاك با الجــنه بعـيد المنــاويــــــش @@ بـامــر الذي ثبـت قلــوب وقلبها

عقبك عزايي اللي ضفاه اشقر الريش @@ اللي عليك من الوصايف جذبها

حر (ن) ولا يرضى المـــذله ليا نيش @@ لو صدت نجوم السماء مارقبها

محــمد ابن سعود ريــــف المعاطــيش @@ ترتاح به نفس(ن) شكت من تعبها

وصلاة ربي عد وبل النشـــانــــيــــش @@ على النبي اللي حياته وهبها[/align]