السماح للسعوديات بقيادة السياره قريبا . . (( القوانين بالداخل )) .

[بنت الهيلا]

كالعادة بعض عيال العم يجاملون طرف ضد الاخر


يعالم تبغون الواقعية انا ماني مثقفة ولا كلامي مفصوح بالفصحى

بس انا ماابغى اتكلم بكلام بطريقة يمكن ومتوقعة وليش وايش

زبدة الموضوع

تعرفون متى تسوق البنت
اذا صرت انا وبنت عتيبة بالمركاع
وكبرنا بالسن ومرت سنين ولاتهون اختنا عتيبية وبس
بيوافقون بالسواقة

انا ماني مستهزئة ولاسخرانة انا صادقة
تعرفون انه ان مرت سنة اوسنتين او 10 سنوات او 20 سنة
او تغير دستور الدولة الاسلامي
فالسواقة بعيدة وبالحالتين
وافقنا على فكرة سواقة الحرمة للسواقة او ماوافقنا

مافي مافي سواقة بالمدى القريب
انا شايفة ماله اي داعي النقاش على شيء
قرره المجتمع وحسمه ومن قبلهم حسمه ولاة الامر حفظهم الله

حبيبتي بنت عتيبة تقول السواقة قادم قادم

لاوالله بعيدة كل البعد يحبيبتي السواقة
انا عارفة ان نيتس طيبة وتريدي الاخير التس ولكل البنات
بس يبنت عتيبة انا ماابغى تكونين حالمة بخيال مهو صاير
ياليت تكوني واقعية وتاقلمين مع الواقع وهو ان السواقة مهو صاير
بالسعودية مهو صاير
واعيد كلامي يمكن السعوديين يتقبلون بالسواقة بعدين ان صار
لاعادات ولاتقاليد عن الناس ولاغيرة بهذاك الوقت بيصير سواقة
وبيصير بعد بحالة تركنا لديننا الاسلامي وماامرنا فيه

يعني يبنت عتيبة وكل اخواتي بالسعودية المتحمسات للسواقة
ان تسوقون الحين وبشبابكن صعبة ان جينا بالمركاع يمكن
وانا اقصد بهالكلام انه بعدين وبعد مرور سنين يوافقون على
السواقة الحين لالالالا

يليت من السعار وabusaad
انهم يقولون رايهم الصريح
وياليت مايجاملون البعض
معندكم بنات معندكم محارم يعيال عمي

وبعدين السعار تقول بنات عتيبه خلف مقود السيارة من سنين ولم يتعرض لهن احد
ايوة بس هذا بالبران والهجر
بس بالمدن الله يستر ويش يصير يسعار

وانا مع مقولة درء المفاسد مقدما على درء المصالح

واغلب بنات السعودية ضد سواقة البنت للسيارة يمكن انتم مهو معي بهالكلام
بس انا اعرف بنات كثار ضد السواقة لانه بيسبب المشاكل الهن وبيجعل التحرش
شائع من قبل بعض الشباب المستهتر ومومنات بالكلام الماثور درء المفاسد مقدما على جلب المصالح

انا ابغى من السعار وبنت عتيبة وabusaad يتقبلون ردودي بصدر رحب
وان الاختلاف بالراي لايفسد من الود قضية


بنت عتيبة الهيلا


بنت الهيلا