الله يجبر عزاكم فالمصاب الجلل

[محمد بن دغيم السميري]

[align=center]
فجعت كما فجع غيري في فقيد قبيلة عتيبه الشيخ فيصل بن عديس العازمي العتيبي
وهاضت القريحه بأبيات تعزيــه ورثاء بإسمي ونيابةٍ عن شيوخ السمره وقبيلة السمره لقبيلة عتيبه عامه وقبيلة العوازم خاصه والله يحسن عزانا فيه وعظم الله أجــر ذوي الفقيد ..[/align]

[poem=font="Simplified Arabic,5,black,bold,italic" bkcolor="blue" bkimage="backgrounds/14.gif" border="double,10,darkblue" type=2 line=0 align=center use=ex num="0,black"]
بإسمي وبإسم إبن زيد أنقى الكلام الجزل=تعبير بإسم السماري للعوازم قليل
الله يجبر عزاكم فالمصاب الجلل=يإبناء عديس الكرام نقول صبرٍ جميل
القلب يجزع ويحزن والدموع تهمل=لكن نرضى بتدبير العزيز الجليل
مهما حزنا على فيصل ومهما حصل=سبيل فيصل لنا مافيه غيره سبيل
هذا طريق البشر ولكل مخلوق أجل=ماينقصه عنه ميل ولاتعداه ميل
الموت حاصل وواصل لو يطول الأمل=ياما أكثر آمالنا وأمل البنادم طويل
نسير صوب المنايا كل يوم ونصل=للموت والموت حق وكلنا للرحيل
نفنى ويبقى عزيز الملك عز وجل=والله يجبر عزانا فالشجاع الأصيل
اللي بقدره من الخلاق عنا رحل=ماباقٍ إلا فعوله للنشاما دليل
رحيله أربك عقول الخلق وأحدث خلل=على عتيبه رحيل الشيخ فيصل ثقيل
والله يكسيه فالفردوس بأزهى الحلل=والله يسقيه من حوض النبي سلسبيل
اللي تحلى بمله من خيار الملل=مايقبل الميل من غيره وهو مايميل
راع الكرم والتواضع والمسير العدل=جمع صفات الكرام وكل خلقٍ نبيل
لو فالبشر من كمل قلت ابو خالد كمل=والكامل الله وغيره لو بغى مستحيل
أذكر صفاتٍ لفيصل مانطقت بزلل=والله على كل ماقلته شهيدٍ وكيل
ختم لك الله يابو خالد بخير العمل=ويالله تغفر ذنوبه يالجليل الفضيل
ويالله حل الخطايا من كتابه حلل=وأكتب حسنات بأمرك للخطايا بديل
وألهم ذويه الصبر وأبدل له أهله بأهل=خيرٍ من أهله ودارٍ في جوارك ظليل
والشيخ فيصل عزانا فيه بعد إنتقل=وجود شيخٍ لفيصل بالمزايا مثيل
سعد رفيق السعد وإن قال قولٍ فعل=قوله يجمل وفعله مثل قوله جميل
فيصل بطل وأبو منصور الموفق بطل=أبطال وأبناء زحولٍ مجدهم مستطيل
وأعزي عيال فيصل فالمصاب الجلل=وعن الكلام المطول نكتفي القليل
[/poem]


[align=center]أخوكم/محمد بن دغيم السميري[/align]