......((( نجوم الليل))).......

[محـمد]

الا يانجوم الليل كوني شواهد = على الدموع اللي على الخد هليت

اليوم انا في حب خلي مجاهد = اللي شغل فكري وانا فيه غنيت

خلك على مااقول يانجم شاهد = ان المحبه في حشايه له بيت

اقضي العمر كله ولو كنت زاهد = لجل الحبيب اللي من القلب حبيت

انا معـه بالـحب والله معاهـد = مانـفـترق والله ولااقـول مـليـت

جسر الهوى مابيننا صعب ينهد = واهل النميمه رحت عنهم وقفيت

ماهمني في الناس كثر المشاهد = اليوم قلبي لشخص واحد اهديت

تفداه روح اللي من الحب ساهد = واشوفه ماتكفي ولو قلت وفيت