(مرثيه للشاعر نايف العتيبي بوالده)

[حسام هوازن]

[ALIGN=CENTER]


مساكم الله بالخير

/

قصيدة للشاعر نايف العتيبي بوالده رحمة الله عليه

أحمد الحميدي العبيد العتيبي




[poem=font=",5,white,bold,normal" bkcolor="black" bkimage="" border="none,4," type=1 line=0 align=center use=ex num="0,black""]
ودعتك الله وانتلاقى على خير=يامقري الضيفان سمن المياحي

يامسطّر(ن) صفر المعاميل تسطير=عيني قزت عقبك لذيذ المراحي

الله يحلّك يازبون المسايير= عِدّن على شان الهجافا قراحي

هذاك أبوخالد إذا جيته يشير=رايه لي المنجى وشوره صلاحي

هذاك أبوخالد عضيد المعاسير=هو مسندي هو مخلبي والجناحي

إذا نخيته ينتهض كنّه الطير=يرقى سنود ولايدان الشحاحي

صيته تعدّى شامخات العناقير=عساه بالجنة مع أهل الفلاحي

مايستمع لهل الهروج الهواذير=هرجه قليل ولايحب المزاحي

أبوي من يرفى خطا الجار ويجير=عز الله انه باللوازم اسلاحي

أبوي من تبحل به الناس وتحير=حارت به البدوان وأهل الضواحي

طلق الحجاج ولايعد الدنانير=مدهال للخطّار ليل وصباحي

الدار من بعده خبت واصبحت غير=من يوم زوله غاب عنها وراحي

اِتكّن العبرة إذا هبّت اعصير=وكل مادخلت البيت زادت جراحي

تنعيه بقعاء والرجوم الطناطير=حتى شخانيب الوعر والسماحي

يبكي عليه احمود والخال ومطير= تبكيه شيبان(ن) بها الشيب لاحي

تبكيه شيبان وعيال(ن) مناعير=حتى العمودي راعي الضلع صاحي

وافلاحته مع المعاويد والحير = وبشته ومحرابه به السد باحي

مانيب قنّاط(ن) كثير التحاسير=لاشك صدري من عنى الفقد فاحي

آمنت باللي قدّر العمر تقدير= مايرجع المفقود كثر النياحي

عساه مع زمرة سُليمان وِعْزير=جار(ن) لبى الدرداح راع الرداحي

مع الكرام أهل الوجيه المسافير=مع الكفيف ومع بلال الرباحي

وصلاة ربي عد دمع وتفاكير = على الشفيع اللي بعث للصلاحي[/poem]




وسلامتكم


[/ALIGN]