طــال حــزني ..,

[الشامخه]

[align=center]
السلام عليكم ورحمة الله وبركاتهـ ..

بعد الغياب تحيه طيبه ..

واليكم متواضعتي ..


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حزن ذبح فيني حروف القصيده = ماعاد لي في نظم قافه جدالي
من عقب سبحي في بحور عديده = ضاعت معالم فكرتي في خيالي
كن الحشا باقصاه نارن وقيده = من صلوها قلت آه عزي لحالي
صارت حروفي من ظروفي فقيده = تعلن وفاءة الشعر باخر مقالي
ياوقت وش فيها صروفك شديده = عمري صغير ووثقتني حبالي
هموم سطت باقصى المحاني عتيده = منها الحشا بالهم يصلاه صالي
كني مع الهوجاس دايم وحيده = اسج واصفق في يميني شمالي
وجدي على وقت ن مضى كيف اعيده = وقت الطفوله وقت ضحك ودلالي
ارقص واعيش " ف " كل لحظه جديده = ويبحر خيالي في بحور آلامالي
ياليتني ماشفت غدر ومكيده = ولاشفت نـــاس تنتخي لاغتيالي
ناس على نيل المكارم زهيده = تلعب على الحبلين في كل حالي [/poem]


وسـلامتــكم ..

..
, [/align]