فمان اللـــــــــه..

[قوت القلوب]

[align=center]
[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
فمان الله ياحب السنين وخنجرالمقتول=فمان الله ياجرح الضمير وروح وجدانه
فمان الحلم وطيوف الدجى والقادم المآمول=فمان الصمت وحروف الهجاء والشعر وأوزانه
أبرحل مابقى للرجل حاجه تتبع المجهول=تعبت أركض ورى حلم اللقاء وأزعجت بيبانه
أبرحل مابقى للورد حاجه في ثرى الغرمول=مادام الغيم جنب عقب براقه وهتانه
تجرعت الحزن عقبك حبيبي والليال فصول=سرقت الوقت لكني صدمت بقيد سجانه
هقيت الحب يجمعنا أنا دانه وأنت اللول=جمعنا بس مابين القصيد العذب وألحانه
تفرقنا تفاهات الزمان الفايت المسدول=على ويش العتب لاصار كلن بيح لسانه
زعلت إلا زعل بيت القصيدالخايف المقفول=بفكه يشرب أوراق الكتاب وبآكل ألوانه
يموت الذل مايفنى وطن من خلقته معمول=يموت الحزن مايبكي وطن من موت شجعانه
وأنا للحين في أرضي علم وسيوف وركض خيول=وأنا للحين مع كثرالعناءواليآس إنسانه
بغيتك للعيون السود سودورمشتين وزول=بغيتك تشبه أحلام القصيدونشوة أشجانه
بغيتك للعمر عمرن يطول ويندبل له حول=بغيتك بس وش يرجع حبيبك عقب هجرانه
عقب ماذقت من كآس الألم علقم عذاب وهول=عقب ماشفتك بعيني تردالوردلأغصانه
أفاوش حلل طعونك بصدرن مرتمي مقتول=أفا من علمك تطعن خفوق الحب وأعيانه
أفا لو تكثرحروف الأفاماتنتقم بالقول=لزوم الفعل يسبق كلمتي ويفك ميدانه
أبرحل مابقى للرجل حاجه تتبع المجهول=تعبت أركض ورى حلم اللقاء وأزعجت بيبانه[/poem][/align]